Home 投資理財 股票投資其實好簡單 新手第一次抽新股 幾個步驟就搞掂

股票投資其實好簡單 新手第一次抽新股 幾個步驟就搞掂

想參與股票但唔知點入手好?
其實最好方法係由抽新股入手。

今年2017年到年尾有唔少重量級新股出場,首先有上市後勁升4成嘅眾安在線(6060),其後陸續有多隻新經濟新股登場同樣好吸引,有由股王騰訊分拆出黎嘅閱文集團,亦有做電子競技設備嘅雷蛇公司等。

呢幾隻新股都有實業有增長,對比起部份配售或者冷門新股,都好適合大眾參與。只要留意下面4個步驟就可以抽到新股:

1.  選擇合適銀行/證券行開股票戶口

只要你年滿18歲,就算仲係學生或者未有正式收入都好,都可以喺香港開到證券戶口的。

市面上嘅證券戶口一般分三種,按規模同收費而有所不同
1)大型銀行  – 一般手續費貴 (最穩陣)
(恒生 /渣打 /匯豐等等)
2)大型證券行 – 手續費合理,比銀行平 (都好穩陣)
(耀才 /致富 /輝立)
3)小型券商 – 超平 由$5起 (方便)
(一通 /富途 )

而筆者就三種戶口都有,我嘅使用方法係:
恒生戶口: 長擺儲錢,銀碼較大,一年都唔會做一次買賣
致富戶口: 孖展抽新股 /中額注碼 /
一通戶口: 小額 /Day Trade

筆者提議如果係新手的話,用一通就最好不過。
收費一律$5,上網操作簡單方便。

2.  預備好文件去戶口

開證券戶口其實好簡單,只要帶身份證同地址證明,去到證券行就得。
大概15分鐘就完成開戶口續,返到去收到電郵,啟動戶口就搞掂。

3.  入錢落戶口

如果有PPS繳費靈就最好,因為唔少證券行都係用PPS入錢落戶口,網上做設定幾分鐘就完成。

4.  登入抽新股

當你開齊戶口,又入左錢落去,其實抽新股只係幾個Click就完成。

祝大家好運!