Home 投資理財 【多圖超實用】香港人返深圳開銀行戶口超簡單 – 無需內地地址證明就成功

【多圖超實用】香港人返深圳開銀行戶口超簡單 – 無需內地地址證明就成功

之前就講到香港人點樣開通微信支付內地錢包,其中一個步驟就係需要內地銀行戶口。而香港人去深圳開銀行戶口其實好簡單,唔使地址證明,連埋等大概30分鐘就完成。

【深圳開戶口一日遊】帶朋友去深圳開銀行戶口 國貿工行成間都係香港人

內地銀行比較:
如果有留意開股票都知,內地有四大國有銀行,分別係中國銀行、建設銀行、工商銀行同埋農業銀行。其實四間都方便,而且都差不多,我地因為唔係成日都返上去,所以要揀就係揀網上銀行做得最好最方便的。

個人選擇:工商銀行
原因:工行個手機App做得好方便,登入簡單,唔需要插USB手指就用到。

工商銀行深圳地址及營業時間
深圳最方便的工商銀行 – 國貿分行 地址:深东支行 国贸支行 深圳市罗湖区人民南路国贸大厦南侧一楼
營業時間:星期一至五9:00-17:00
星期六日:9:00-16:00

地址即係金光華商場對面

*如果想去其他分行就去呢度睇地址同資料:

出發前預備:

出發開戶前記得帶齊文件:
1)回鄉證,香港身份證
2)實名認證嘅大陸手機號碼
3)香港地址證明
4)香港嘅工作證或者車牌 (我用左車牌)
5)帶定$1000人仔現金去,最低存款額黎

夾好時間,帶齊文件,去到就會有職員同你開戶口啦。
全程都係對住部機黎開,入返資料後,揀唔需要USB手指果種,因為用手機App仲方便。搞掂後就等櫃台入錢,最後就即場開埋網上銀行App即刻登入一下就得。

因為喺國貿站,開完戶口仲去左飲杯喜茶添。

【實用教學】香港人點樣開通微信支付內地錢包? 三個步驟其實好簡單

【實用教學】香港人開內地實名認證手機號 – 用中移動每個月只係$28人仔仲有2GB上網流量

【出發前預備】香港人返深圳開銀行戶口 所需要的4樣重要文件!