Home 旅行遊記 佬遊香港 【中上環素食】返工想食得健康 精選三間健康素食店 食素都可以好味道

【中上環素食】返工想食得健康 精選三間健康素食店 食素都可以好味道

愈來愈多人鍾意食素,不論是素食者還是間中想調理一下腸胃的你,中上環都有不同的素食餐廳選擇,日日食都怕悶。

寶彩軒 Veggies Sky

午餐有六款中式素菜,每人可揀三款,重覆揀同一款都得,配糙米飯或特色粥,仲有日日新鮮燉的靚湯,好滋潤!

素菜多以蒸煮方式烹調,少鹽少油,吃得好舒服。如果不夠飯仲可以添架!

地址:上環德輔道中279號豐和商業大廈2樓(港鐵上環站 B 出口,上地面轉右,5分鐘左右就能到達)

VeggieSF

餐廳以50年代懷舊三藩市作主題,復古的裝修佈置,氣氛獨特,不論是忙裡偷閒食個健康素菜午餐還是與朋友相聚的歡樂晚餐都非常適合。如果想同素食者的朋友慶祝生日,呢度都是一個很好的選擇,保證你的朋友會喜出望外。
小編最愛素漢堡,亦都是餐廳的招牌之一!中間個片烤大菇好多汁,加埋酸酸甜甜的菠蘿,好吃到停不了。
地址:中環士丹利街11號10樓全層(港鐵中環站 D2 出口, 步行約3分鐘)

福祿壽健康素食 Fook Luk Sau Vegetarian Restaurant

呢間係人氣素菜館,成日都有長長人龍等位和等外賣,以平靚正見稱,餐單每天轉換。

大胃王一定要試下係十三款餸入面揀三款,但任飲湯和任添飯/炒麵,保證你食得夠飽都只不過是三十幾蚊。

地址:中環鐵行里8號地下(港鐵香港站 C 出口,步行約4分鐘)