Home 投資理財 【深圳開戶口一日遊】帶朋友去深圳開銀行戶口 國貿工行成間都係香港人

【深圳開戶口一日遊】帶朋友去深圳開銀行戶口 國貿工行成間都係香港人

佬假期自從2017年年尾學識左點樣上深圳開戶口之後,唔小心變成左個「大陸通」,除左有一個大陸戶口之外,仲搏通左微信錢包,仲有一個上到網既電話卡,返到大陸就方便左好多。

【深圳地鐵教學】原來深圳地鐵App可直接連微信錢包 掃一掃就入閘唔使再排隊換銀仔!

最近就帶埋朋友一齊再上去一次,同一個路線,由11點幾鐘出發,食埋中午飯大概下午4-5點返到來,今次就Share一下行程。

1)出發前預備物資:

回鄉證、香港住址證明、香港車牌、(大陸手機就即場開)

行程篇:

1)第一站羅湖過關 (星期六11am)

星期六放假輕輕鬆鬆,訓到9點幾先醒,慢慢出個門口
11點咩都到吧,11點上水站等再過去羅湖

 

2)第二站 國貿站中移動出實名認證手機上網卡 (11:30am)

先解一下點解中移動
其實大陸都係得幾間,唔係中移動就係中聯通,我地就無理太多,直接揀龍頭大佬中移動。又問,買卡得唔得?平時我地去鴨記買大陸卡,果D係用唔到的。需要一個長期,同埋登記名既手機號。因為開戶口時會收到SMS認證碼的。

我地過關時都唔係太多人,過左關後就大概11:15左右,出左門口後就慣左行上地面,經過左手邊口岸茶餐廳後,一路直行,由羅湖行到去國貿站。

地址:
人民南路天安国际大厦商场104-105号商铺首层(工商银行、国贸天虹旁边/11,101,204,302到国贸,地铁国贸站B出入口)

*即係天虹商場外圍,北面就見到
下面整左個地圖

上左咩Plan?
$28人仔一個月,每月2GB上網,仲有350分鐘通話。
不過就當然係上唔到Facebook同IG的。
我因為唔係成日都上去,所以就揀左「一次性交」一比就比左半年費用
等左一陣就即刻用到了。

有左呢個手機號,就可以再下一步去開銀行戶口。

 

3)第三站 國貿工商銀行開戶口 (12:15pm)

開電話卡就好順利,唔多人,但去到銀行就pk了
成間都係香港人,要拎張飛仔,等左成7-8個號先到我地。

今之去呢間工行,位置好近金光華,北門對面就係

工商銀行深圳地址及營業時間
深圳最方便的工商銀行 – 國貿分行 地址:深东支行 国贸支行 深圳市罗湖区人民南路国贸大厦南侧一楼
營業時間:星期一至五9:00-17:00
星期六日:9:00-16:00

又講解一下咁多間點解用工行?
佬小編之前開過一個建行,又USB又盛勁難用
後來朋友介紹工行個App做得好方便,就用呢個了

過程都係等
預備齊文件,去到就會有職員同你開戶口啦。
全程都係對住部機黎開,入返資料後,揀唔需要USB手指果種,因為用手機App仲方便。搞掂後就等櫃台入錢,最後就即場開埋網上銀行App即刻登入一下就得。

本身預2點搞掂,最後成3點幾先得。

4)第4站 自由時間 金光華食飯

本身想食海底撈,但已經開始多人。同埋都食過好多次,一於揀下其他。
金光華上幾層有幾間,椰子雞,酸菜魚,雲南野,辣烤魚
最後揀左麻辣烤魚-探魚

金光華廣場4樓 探魚

平時香港食一間,又排長龍位置又細,價錢仲要$200起。呢間探魚一條都係$128起,位置又舒服,食完又可以加野食打邊爐,都係果句,唔使點睇價錢又夠Relax。

再睇下個餐牌:

 

5)第五站 再飲多杯喜茶先走人

喺地面落一層,地面過去就係正門對出廣場就見到(落一層)

 

【多圖超實用】香港人返深圳開銀行戶口超簡單 – 無需內地地址證明就成功

【實用教學】香港人開內地實名認證手機號 – 用中移動每個月只係$28人仔仲有2GB上網流量

【多圖教學】香港人如何切換微信支付中國錢包? 超簡單兩步完成

【深圳過夜】打完邊爐玩夜左要搵地方過夜 嚴選3個平價過夜好去處!