Home 旅行遊記 遊歷神洲 【上海機場出市區交通篇】 $50一程磁浮VS $7地鐵大比拼

【上海機場出市區交通篇】 $50一程磁浮VS $7地鐵大比拼

佬假期真係成日都返大陸,除左講下近近地深圳之外,上海都會不時去下。
呢篇就Share一下由上海浦東機場交通篇,點樣由機場出返市區。

由上海浦東機場出返市區有幾個方法,可以打的,可以搭地鐵,都可以先搭磁浮再轉返地鐵,到底3者有咩分別?

先睇下地圖,上海個機場離市中心好Q遠:

1)出市區方法一 – 打的

呢個方法就唔太建議。我試過一次,排隊等的士用左一段時間,上左車後就搭左成9個字以上,真係好遠下,埋單$200+人仔

2)出市區方法二 – $7人仔搭綠色線 由頭搭到尾

上海浦東機場正正就係線色線既總站,搭呢條線睇落好似好簡單唔使轉,仲要$7就得,以為好荀,點知又係錯左。個地圖數過都係10幾個站左右,但點知其實站同站中間都隔幾遠下,時間上由機場搭到去人民公園站,大概要45分鐘或以上。

而且搭車時要留意唔係一程過,一間有個站要轉車,過對面月台再搭過。如果訓著左或者掛住玩手機就要記得轉車,唔係既話就會搭返轉頭去機場啦。

時間上係衰D,但$7一程真係好抵。

 

3)出市區方法三 – $50人仔磁浮再轉綠色線

由於2號方法上面提到係超級耐,再搭上45分鐘先出到去市區。於是就建議大定可以由機場先花$50蚊人仔,搭磁浮去到龍陽路,呢一程就大概10分鐘。去到龍陽路之後先再搭返綠色線,咁樣起碼慳到成半個鐘有多!