Home 懶人食譜 【阿拉丁焗爐食譜】開爐試用阿拉丁整晚餐 香草烤三文魚配蔬菜 15分鐘就搞掂

【阿拉丁焗爐食譜】開爐試用阿拉丁整晚餐 香草烤三文魚配蔬菜 15分鐘就搞掂

早前已經留意到一個外表靚又功能好既焗爐叫阿拉丁,一路都好想買但香港找不到,去日本又唔同插頭,所以都無買到。

直到最近就發現香港都有行貨!在百老匯就買左返來。
我買左白色的,同其他廚具都一個風格:

就連結衣BB都用架:

查左資料,呢個焗爐用石墨發熱,2秒就加到熱唔使額外花10分鐘預熱個爐。放曬D野食入去,加熱10分鐘就食得,搞掂。

材料:
1)去左Ikea買左兩舊三文魚
2)再加一個洋蔥

做法:
1)預早1個鐘拎定三文魚出來解凍 /或者前一晚由上格雪櫃放落來下面
2)一個洋蔥切到一片片,放在阿拉丁焗盤度,再加D 鹽同 胡椒調味
3)將三文魚放喺洋蔥上面,另外再加調味比舊魚 (橄欖油/鹽/胡椒/香草)

4)蓋上蓋,放入阿拉丁度焗10分鐘,260度 (我怕太Dry,個底加左少少水)

換個靚碟搞掂。