Home 旅行遊記 深圳玩樂 【深圳買家俬】為左新屋入伙上深圳行一轉 兩大裝修材料中心「家之福」「家合居」一日遊攻略!

【深圳買家俬】為左新屋入伙上深圳行一轉 兩大裝修材料中心「家之福」「家合居」一日遊攻略!

新屋入伙要添置家俬家品,唔少人都會考慮淘寶,但有時都想親身睇下的話,就可以北上深圳行一轉。皆因香港買既話好貴,而深圳買既話,就算加埋運費都係平過香港買,萬一上到去揀唔岩心水,咪當係深圳一日遊。

除左上深圳除左飲飲食食之外,仲可以加多個有意義既目的咁行,出發前一於Plan一Plan行程!

北上睇家俬出發前準備-搜集資料

話說佬小編喺北上之前已經問好左去過既老手朋友同埋上網查好曬,精選之下深圳有兩大入門級既家俬素材中心:
1)家之福(位於寶安北路)
2)家合居 (位於田貝四路)

由新屋裝修、廚櫃、浴室建材、傢俱、燈飾、訂造家俬等等
呢兩個地方都要去睇下。

 

北上睇家俬出發前準備-地圖交通點樣去

 

平時去開深圳,基本地理地型都熟架喇,今次就要去兩個地方
一個「家之福」就位於寶安北路,另一個「家合居」 就位於田貝四路。

先睇3張地圖,了解一下個地型:
呢兩個地方都近羅湖多D,一上就係:

第二張係睇近邊個地鐵站:

第三個圖係睇地鐵圖:

前往家之福既方法:

1)搭的士
羅湖關口搭的直去家之福,大概25蚊人仔。最方便但但有時要排隊
2)搭地鐵到紅岭北再行10分鐘

家之福地址: 宝安北路3055号

 

前往家合居既方法:

 

1)搭的士
羅湖關口搭的直去家合居,大概25蚊人仔。最方便但但有時要排隊
2)搭地鐵到田貝再行10分鐘

家合居地址︰深圳市羅湖區田貝四路81號
開放時間︰9:00-8:30 (六、日9點關門)

 

朋友介紹出發前重點留意:

1)自己預先度好尺寸,如果有設計圖就自己預備埋,去到就直接問下價錢
廢事比人Sell,浪費時間
2)入而既店鋪都係即時報價,到時就問埋個運費同埋有無上門安裝,或者再上樓費呀備遠費用果啲
3)如果傾得岩,加埋佢地個WeChat,之後保持進度聯絡,間中叫佢地影幾張相來看看
4)如果你去睇開,咁岩同一間有齊的話,最好就合埋同一間,一來可以殺價,二來易夾啲又可以慳埋運費啊!

 

睇完家俬想唔想食埋個飯先返香港?

由於我個行程係先去家之福,再去家合居,所以最後行完係喺田貝果邊
而田貝果邊係多數都係珠寶店,無咩野食,建議搭個的,返返去最熟既會展中心、國貿果邊,想食咩都有。

先睇下田貝有咩食,選擇就多,但認真無咩邊間岩心水:

都係去返D老地方,例如金光華廣場

【深圳國貿金光華】 抵食又大盤 味道正宗排隊人氣麻辣烤魚店 – 探魚

【深圳國貿金光華】除左喜茶、海底撈之外 不妨試下排隊人氣店 – 太二酸菜魚

呢一篇就係出發前準備,下一篇就再深入講下。