Home 旅行遊記 深圳玩樂 【實測】去深圳食海底撈攻略!國貿間海底撈超多人排隊 平均要等幾耐先有得食?

【實測】去深圳食海底撈攻略!國貿間海底撈超多人排隊 平均要等幾耐先有得食?

大家都知道海底撈係超多人排隊,有時約好曬朋友北上,點知又要排隊就真係好無癮。我地香港人又未必有大陸電話號碼打唔到電話訂台,咁到底平址要等幾耐?邊一間海底撈會易搵位啲?

今篇就來一個攻略介紹!

先睇一下深圳其實係有好多間海底撈既,百度搵一下就見到最少有10間,有D我明明有去過但無見到紅點添。

咁多間海底撈,邊幾間好?
有幾個選項,地點方唔方便,分店大唔大間,等位時有無其他野行?
最後得出最後2個選擇:
1)國貿金光華分店
2)會展中心卓越世紀分店

地點:
兩間都好近地鐵站,國貿果間直頭有一個金光華出口,一上就係
第二間就會展D出口再行幾分鐘,呢個站係羅湖同落緊洲過關都係好近

分店大小:
兩間之下比,會展卓越店大間D
國貿金光華店就分兩層,無咁大

等位時其他配套:
國貿金光華店就好多野行,等位時落幾層行下都得
會展卓越店就係咩都無,通常都係坐喺度等

佬小編兩間都去齊曬,但由於每一次都唔同日子同埋時間唔一樣,所以都唔能夠作準,只可以參考一下。

1)國貿金光華店 – 實地測試篇 (如上圖)
約左平日星期四放工後,三人
有一個朋友係放早,佢4點幾出發,去到係5點半開始等位
大家就6點半-7點左右到齊人,大概7點3就剛剛好有得入坐

總結:都等左成個鐘有多
平日的話,建議係6點前拎位比教穩陣
我地食到9點鐘出來,門口都仲有好多人排緊隊

2)會展中心卓越分店

呢間就係商業大廈底層
會展D出口出,一出左手邊就係深圳ritz carlton,之後轉左直行,見到最高果棟大廈就係

實測日期:星期5晚放工後8點

情況:
一起到係人多到PK,拎左張飛之後話要等3個鐘頭
即係11點,等到崩潰之下,竟然遇到有其他等緊既食客話比張比我地
呢位兄台話佢自己5點來等,等到大概8點鐘差不多有位時,佢既其他同健喺另一間台等到位就走過去,而佢果張5點拎既飛,就幫左我手,大概8:30分就有得食

呢位同胞,小弟呢一生一世都會好感激你架!
如果唔係我地一家等到11點都未有,或者轉左陣。

又或者有一個無私既諗法,大家拎位時可以拎多一張
益下其他朋友仔。

 

總總結:
海底撈邊間最好?
1)國貿金光華分店
2)會展中心卓越世紀分店

6點前去拎位最好
平均要等1.5小時
黃金時段要3小時起