唔少人都會趁星期六日周末北上行下食下玩下，抖一抖咁。
同情侶二人都可能會咁做，咁到底如果帶女朋友去深圳揼骨，有邊幾間好？
出發前列明要求：
1）女朋友話要過夜
2）要乾淨
3）又有野食有野飲
假如未去過，又或者唔熟路，好可能會去完Drop Money仲要一肚氣。
呢幾間都可以一戰：
同得女朋友去，就要環境靚少少。雖然有啲係好正宗而且價錢平，但就唔係太好環境，一係就舊一係就細。
佬假期都去過好幾間，數一數出來等大家看看，而頭呢三間就係試過又比較上Ok無死錯人既：
（頭1-3位，入門級）
（一）皇室假期
講下故仔：皇室假期其實我細細讀大學果時就聽人話係深圳其中一個最貴同埋地方大既場，果陣時港幣都仲係貴過人仔，果個時候瑪雅城$118人仔90分鐘，而皇室假期就已經叫價係$200+，以前仲係讀緊大學唔使太豪就所以無入到去，所以一路以來心目中皇室假期就係靚D豪D。
而家就梗係知道仲有地方更靚更豪，但皇室假期就已經相對地好好了，中間又做左裝修，所以就仍然好新。
地點位於羅湖果邊，近向西 / 東門或者國貿金光華都行到過去
1）地鐵9號線向西村出口步行1分鐘
2）羅湖關口有巴士接送
入到去大堂可以任食水果，D凍奶茶都幾好飲
又可以睇下電視睇戲，仲有個餐廳都可以點菜食
過足兩日一夜都得
價錢就睇你點按
大堂單鐘$79起
中式按摩$169起 （小費50＋）
假如按一個中式（小費）＋大堂(小費)＝通常都要HKD$500一個人左右
注意事項：
而值得注意既人皇室假期既換衫Locker兄係特別進取，你可以唔望佢直接走
但我幾次都心軟比左$20佢，呢個時候就好快有第二個兄台沖過來叫聲你大爺，Total跌左$40。心諗人地辛苦按腳都係建議比$60，佢開個Locker就$40…..
不過大家都係人心肉造，出來玩大家開心就得，真係去時又遇到比Locker仔圍，你隨心做返自己就可以了，沒有統一標準的。（可能佢仲嫌我比得少添）
總結：
地方大，環境好，人唔算太多（唔會迫），有水果有野食，技師質素高
合家歡Style，在場見到都多女仔，同女朋友來好岩。
可能會有其他地方平D，不過整體係幾好。
第二個： 東方園
都帶過女朋友一齊去東方園，去完之後女朋友仲話幾好，由佢發起買左優惠卷成$3000套票添。呢一間就係馬洲果邊，近水圍，或者福民站喺水圍出口行3分鐘就到。
東方園就係近來比較新既大場之一，入到去有個大水果Bar 台，有野飲可以拎。又有一個餐廳，食過2-3次試左幾個小菜都幾夠鑊氣。
女士們角度入到去會見到幾多美容師，又熱石又淋巴，又或者可以入大堂坐下再上房按。可能真係太熱門或者錯左時候去，真係人多到無位，呢一層就要小心喇。
價錢都係果D：
大堂單鐘$79起
中式按摩$169起 （小費50＋）
（三）水立方
呢一間就唔算太常去，但因為次次路過都見到，大型得來又夠曬方便，都係穩陣之選。
地點位置及基本簡介：水立方係港人最熟悉嘅大場之一，一過落馬洲關口經過條橋就會見到喺右手邊，完全唔使搭車，係最方便既一間。由出左福口口岸行過去大概3分鐘左右，就算新手或者無地圖都一定識得去。
環境同設施方面：水立方係深圳大場之一，都係有齊水果同飲品，間中仲有Yahoo團購優惠添。
交通：
1）落馬洲過關右手邊就見到
2）羅湖關口有接送巴士
其他選擇：
4）月光城
羅湖出口直行，行過去國貿果個方向，過一條馬路就見到。
正骨平靚正首選
但地方唔太大，環鏡少少舊，技師大媽級。
5）瑪雅城
以前第一次去係呢一間
而家好似舊舊地，以前喺羅湖關口有Shuttle搭，而家好似無左
地方大有野食，果陣仲試過8個人一齊按，有大房都無問題添
6）綠色家園
呢間都去過一次，舊舊地但係好正經又唔太貴
女士們去得安心
唔記得左果陣點去，好似係搭的士直到門口
仲有D去過但伏伏地，唔講了。
*難為正邪定分界
總之就同女朋友一齊去都Ok既
