而家逢星期六日小週末，或者有長假期，好多香港人都會北上返深圳飲食按摩揼骨。如果大家合家歡一家大細去水療按摩嘅話有邊幾間推介呢？今集就同大家數一數
排行係小編整合，並非絕對僅供參考。
第一：
羅湖區皇室假期
皇室假期有好多年歷史，一路都係區內高端貴價場。喺小編讀緊大學嘅時候仲係港幣人民幣一比一，當時喺羅湖有專車接送，嗰個年代我哋已經間唔中去呢間皇室假期，所以到而家都有少少情意結，覺得佢係深圳最top之一！
而家嘅皇室假期已經翻新咗，大堂區好靚，仲有唔少電動遊戲玩，飲食方面水果同埋飲品選擇數量超多。大堂位置都好足夠，除咗一般採耳按腳之外，仲可以上房揼骨，有基本中式港式泰式之外，仲有一啲特色spa，不過費用就可能會貴少少。
第二
福田湯畸
呢一間就係以前嘅水立方，福田關口，一出行路就到
佢係三間之中最合家歡，入到去可以見到唔少細路仔大人細路都有。
亦都係玩樂方面，最豐富嘅之一
入到去基本上飲食按摩娛樂一應俱全玩足兩日，一夜都得！
第三
福田港灣一號
如果要揀場地會所最靚最大規模就係港灣壹號
呢一間比較高端價錢再貴少少，如果想要少少豪華感覺嘅話呢一間就最合適了
深圳 Top3 最適合男士商務/一人去水療按摩會所｜金碧、陽光、芙蓉
