Home 生活智慧 【理性分析】香港地買車養車到底最少每月要幾多錢?到底值唔值呢?

【理性分析】香港地買車養車到底最少每月要幾多錢?到底值唔值呢?

9078

 

買車養車,出入有車代步,放假揸出去兜風。相信都係唔少人好想咁,但到底要幾多錢一個月先養到一架車?而月入又要幾多先穩陣?

香港地百物騰貴,一個何文田車位已經炒到$600萬,無論係月泊定日泊,都一位難求。唔少人都會話無錢真係唔好養車。今次就來一個計算,到底係買定唔買呢。

事前預算:唔計買車,養車5大必備開支!

1)停車場/泊車費用
2)維修費
3)油錢
4)保險牌費
5)清潔美容

以下就逐一計下:

1)停車場/泊車費用

買左車之後就係要搵地方泊,而家私人屋苑車位月租$3500以上已是基本,領展車位都要$2000起。自已位再加出面時租,一個月$6000真係基本來。

有咩方法減低泊車開支?
1)公司有免費車位,咁就可以揸車出入但就只係比自己地方位。
2)自己住果度連埋車位,例如本身自己有一個車位,或者住村屋包左
又或有D情況有爛地場,車位平到$1000- $1500
3)假日車主,淨係泊自已位,平時用來都係兜下風,直出直返唔使泊街外
4)出去商場消費免費泊車,有時D餐廳就算你食唔足,都可以問有無單可以用

泊車平均$5000-6000起步,可以再貴D

2)維修費
問過身邊唔少朋友,維修費都係日常養車既重要一環。車齡越耐,就要越常維修,又或者貴車用貴零件等等。按非專業估計,假設平平地二手車,車齡5-8年左右,一年可能都要預幾萬來做維修,即係一個月平均又多$3000。

如果維修加保養,真係$5000起跳。

3)入油錢
呢個就真係睇無用車用幾多,同埋揸既距離係幾多。
有問過同計過,如果星期六日用下,平日就間中兜下,每日來回20KM
一個月真係$1000樓下都有

呢一層就可多可少。

4)保險牌費

車保就豐儉由人,$1500~$4000都有
最平牌費+最平保險每個月預約$550

5)清潔美容
有睇過出面洗車打蠟$400
不過都有人自己落手

總結:
幾樣加埋,$8000+

喺香港買車養車,你諗得呢一步其實真係唔可以純用錢去計。
下下去計值唔值就咩都唔使諗
真係想揸,計過條數Ok,就Go!

 

萬一如果你真係好想揸,但又唔想太大壓力
咁間中Uber  Lalamove又幫唔幫補到?
為左養車去到呢一步又值唔值?
下一篇再講。