佬假期 LoHoliday

相信大家去大陸其中一個目的一定係飲喜茶，因為佢嘅芝士奶蓋好有魔力，又會定期出特別飲品。但每逢週未去，甚至平日去都係勁多人排隊，可能買喜茶個過程已經用咗半小時至一小時多了。 今次介紹一個方法，買喜茶唔駛排隊，只需要有手機和微信支付就可以，可以坐係餐廳到邊食邊等，慳返好多時間！ 1)開WeChat向上拉會出現小程序，選擇「喜茶GO」就可以 2)在右側選擇外賣，之後按左側嘅分店 今次我地係汕頭百合里到試，位於金光華附近。雖然佢預設分店係金光華店，但因為金光華長期多人，只接受親自排隊。所以，我地可以選擇其他係附近嘅分店，一樣都可以送嚟。 而今次我地選擇咗Hi City Go店 3)按「選規格」就能夠選擇偏好及放入購物車 4)按最底「結算」，選擇係外賣配送及門市地址 留意返，需要總價格滿$40先接受訂單和運輸費$5 選擇夠$40按「支付」，輸入微信個付款密碼就可以了 按「取茶」可以睇到仲有幾多訂單和外賣進程。當騎手運緊嚟個時，會收到SMS通知 按入網站，能知道仲有幾多距離 而剛才嘅小程序畫面也能看騎手位置 好快已經送到，咁就可以邊食邊等喜茶

而家放假或者週末有幾日時間，除左去旅行之外就一定係約埋3-5知已北上深圳。當中飲飲食食，行街玩樂就少不免，如果想來一個2日1夜有齊按摩，打邊爐又行商場既行程，深圳有咁多地方應該揀邊度好？   深圳兩日一夜 - 按摩豪飲豪食團 出發前心目中深圳必做行程 ： 唔知大家約埋3-5知已，去深圳梗係想做齊以下： 1）一到步口渴 要飲杯喜茶 ／奈雪之茶 2）想食一餐打邊爐 -  潮汕牛肉鍋/海底撈/烤魚/椰子雞 3）想食一餐正餐 - 酸菜魚／串燒／其他 4）要按摩過夜 - 舒服企理又唔貴 5）仲要可以行下商場 要做齊以上5個行程 其實2日1夜就夠曬 要做齊以上呢5個必做行程，其實都唔使好多時間，一般2日1夜就已經足夠啦～ 不過時間上就睇下大家係幾點出發，如果時間多既就Day1既中午出發，可以行多個地方，否則的話甚至星期五放工後去，食個飯後就去按摩，順便過夜再第二日中午食多餐先返黎，剛剛好一按二食   行程安排 - 地區選擇： 國貿區一個地方做齊5樣野 全部步行範圍，連車都唔使搭   其實深圳好大，最熱門既一方城／萬象天地等最新最豪最靚商場雖然好多野睇，但就要搭遠D車，同埋有得食有得行但就附近無按摩，一係就返返出來。而今次就因為配合返要近近地，而想集中返。要夠集中地點有齊曬食，行，按摩，建議就喺返國貿地鐵站附近，果度近羅湖關口，亦都一個地區就有齊曬金光華同萬象城，而附近都有齊曬香港人最常去食既喜茶、海底撈、大漁鐵板燒、椰子雞、汕頭牛肉鍋都有，而且仲有好幾間出名按摩點，好似綠色家園、皇室假期等等。   我地今次係星期五晚放工直去深圳集合 食完晚餐就按摩，過夜第二日食完中午閃人 第一站：730pm羅湖集合   大家6點左右放工Sharp走，由尖沙咀去到羅湖站大概要1個鐘左右，計埋過關就剛剛好730pm去到羅湖   第二站：8pm 國貿汕頭八合里潮汕牛肉鍋 點去？我地揀左呢一間位於國貿區，近金光華廣場，實正就係圓碌碌既天虹廣場後面 我地麻甩佬由羅湖過關就行過去，地鐵都懶得搭 大概就係15分鐘左右就到 地址係：南湖路3009号国贸商厦1层 我地等左食牛肉鍋好耐！ 一行3人之中有一個人可以早放工就早少少拎定位，另外兩人去到後就8點左右，之後都仲要等多45分鐘先有得食，大概8：45先食到： 咁去到汕頭八合里，食邊款好？：脖仁 ／五花趾 ／三花趾 當地朋友介紹，一定要叫！ 先睇下牛既部位圖解： 1）脖仁 脖仁係頭頸後面部位，因為係頭部後面位置，經常動而肉質結實，又充滿脂肪又不太肥，因而十分美味！但可惜呢個位置好少，一隻牛得一細細條，而且仲要每次切之前都要輕輕冰一冰，做法十分巧妙。 *可惜我地去果日，真係太少貨無得叫了 仲未試到 第二同三就係五花趾同三花趾： 呢兩款就係牛腳既後面肌肉，一聽就知好食： 由於太罕有，我地都係叫唔到三花，只係些到五花趾 下次一定要去再食！ 碟碟$28-34 真係元氣都唔止 可以唔好睇價錢，叫到飽為止！ *最後每人都係食左$80 飽到嘔 第三站：11PM 皇室假期   其實深圳有好多間按摩，有平有貴 我地既選擇因素就係熟識既老地方，要環境好少少，連小費可以人均$300左右 心目中有好幾間： 綠色家園一定係最抵，$2XX都走得人 但環境就舊D 東方夏威夷都係國貿附近，但就細場黎，都係唔好 最後就去左出名穩陣大場皇室假期，環境好D但就相首貴少少 按個中式既話$17X，過夜要加鐘，我簽左$100小費，最後埋單就$300多D https://www.youtube.com/watch?v=mxVON_pJwD4 第四站：金光華 ＋椰子雞 按完個摩第二朝，有車去返關口，但我地就算了 起身嘆多杯奶茶加D水果，換完衫埋完單約11點，再慢慢行返過去金光華廣場 我地又口痕買左杯喜茶，邊行邊等 再去食個椰子雞 由於唔算太肚餓 叫左一份雞$158，再加D料咁 3個人除返開好抵食，每人約$70 https://www.youtube.com/watch?v=uVfR7yHkcoE 最後就再行多陣，買多個奈雪包就回程了 第一日8點到步，第二日下午3點左右過返關 2日1夜食左2餐+ 按左1晚摩 一共用左$500人仔多DD

話說早前太太大左肚有BB(係個女黎)，作為老公/準爸爸就當然好緊張，想知有咩岩大肚婆食，而大肚婆就搵到一隻叫Spatone既鐵水好岩用，相信咁多個大肚婆都一定聽過，今編就講下個購買經歷，同埋點樣買先最抵！！ （來自佬小編1號） 單簡故事 - 女士們/大肚婆/貧血點解岩鐵水 同埋點解飲鐵水好： （其實已經於2019年3月生左）回憶返大概於去年懷緊B第4個月時，有一日話有件要收仲超級重，佢大住個肚拎唔到就叫我去拎，先知道原來有一隻野叫Spatone鐵水。 果時太太剛剛有左3個月，去過醫院既產前營養講座，話需要多吸收鐵。而醫生就比左一大大粒既鐵丸佢，大到超難吞，仲話食完有機會便秘。而佢就後來搵到一隻英國Spatone鐵水，每日飲1-2包就可以補充到鐵，飲過幾次都話好，好快就Feel到有用，就開始Keep住用了。 點樣買Spatone抵得來又方便？ 香港版 - 最貴： 一開始都係去出面連鎖地方度買，大概就$168一盒，得14條，平均都要$12一條。港版既分別係最外面包裝盒多左中文說明，而其實內部都係一樣。 港版英國版價錢差3倍  識買一定係買英國版！ 既然話Spatone來自英國，就一定係搵下英國Amazon有無啦 一搵之下先發現，原來港版同英國版原完一樣，但價錢差咁遠！ 香港版$168一盒14條 ＝$12/條 英國Amazon版$110一盒28條 ＝$4條 未計運費，兩者差別有成3倍！ 事關要飲落肚就要小心啲，而我地做過比較，發現港版同英國版其實係原全一樣，只係外盒多左個中文包裝，而入面既鐵水都係用獨立包裝一條條咁，成份同小包裝都都係一樣。 英國轉寄香港 解決運費同損壞問題   雖然英國Amazon有得賣仲平好多，但就唔可以直接寄來香港，需要做轉運或者搵當地朋友幫手。我就試過曬搵英國朋友同埋自已搵轉運。 英國朋友就打擾一次半次好了，要朋友幫手收件再運過來。 用集運公司運過來，都係一個好方法。先由英國Amazon寄到英國倉，再轉寄來香港。試過2-3次，可能因為鐵水始終太重太大盒，運送來到後，平均每盒運費都要額外再比$50+，而且仲有損壞情況，D角撞到壞曬！而且時間要等好耐，由訂到收到前後要差不多一個月。 壞盒圖示： 其實仲有其他方法：   二手拍賣網：我都有試過去一啲二手拍賣網度搵，問過幾個買家都唔準時回，有次買左後過左數等左成個星期都未有收到，整日擔驚受怕，而收左貨後仲係D盒撞壞曬，仲有滲水情況，打開後有幾條係穿左漏曬水唔飲得！二手拍賣呢邊面就唔會再考慮了，始終飲落肚都係有信譽好啲，怕來左假貨。 網上店都有好多選擇： 就咁Search下鐵水/Spatone，見到都有好幾個網有得賣。 佢地都係賣英國版鐵水，而且仲有現貨添，一落訂大概3日就收到，仲可以去到智能櫃收件，我屋企樓下就剛好有個勁方便既智能櫃，真係一訂就可以樓下收到。   試好幾間，以下呢2個網都好好： 可能男人鍾意試野同比較，由市面連鎖，英國Amazon、二手網，到網上店，最後都係揀網上店，皆因佢地都係香港註冊公司，香港有樓上門市，備有現貨可以即時出貨，仲要有包郵，呢幾個都係重要因素。 以下搵咗可以係香港買到英國直運嘅現貨店鋪，分析佢地有咩優勢之處！ 第一間：Never Thirty： https://www.neverthirty.com/product/spatone/ 評分：4／5 Spatone 現貨$198一盒，滿$600可以順豐免運費 都係現貨可以即出 FB上有個Post有成600＋ Shares 網店都有好多其他大牌子好似 好貴既天然洗頭水咁 其他選擇好多 Nutribrother： https://www.nutribrother.com/products/spatone-liquid-iron 評分：3.8／5 Spatone 現貨$195一盒，滿$400可以順豐智能櫃免運 呢一間買任何野仲有野送，而且$400就可以免運費 *後記： 老婆而家到生完後都仲Keep住飲鐵水 下次如果搵到好地方，再Share  

香港人時興快閃3日2夜短Trip，唔少熱門地點好似台灣、日本、韓國都可能去過好多次，而越南就因為美食、風景、物價吸引同埋好近我地，而成為新興好去處！而玩越南就唔再淨係河內、胡志明市同芽莊，其實仲有一個新鮮點-富國島 - 越南版的峇里島，都有新直航！   https://www.youtube.com/watch?v=_Mw-51uZps4&t 不過講到越南旅行 就一定會遇到簽證問題 但原來越南有一個地方 - 富國島  係免簽證架！   唔少人聽到越南都耍手擰頭，原因就係覺得簽證麻煩。不過，原來富國島係越南唯一一個免簽證地區，假如直飛香港到富國島，係唔駛簽證既！以前未有富國島直航時，就算當地免簽都好，因為需要去胡志明市轉機而要簽證先去到，而家有直航就好著數好方便！ 有咗富國島直航，週末放假來個三日兩夜嘅便宜短Trip或者快閃旅遊，富國島就係首選了。 越捷航空Vietjet香港至富國島直航 體驗之旅 今次我地佬假期就搶先搭左香港到富國島既直航，仲搭左當中既Skyboss機位，今次就一於分享下乘搭體驗！ 先講下VietJet越捷航空，其實佢係越南一間能夠兼顧價格同安全既新興優質航空公司，亦係越南首間私營航空公司，自2011年成立，第2年就已經開始獲利，至今航線遍佈各地，更屢獲航空界獎項，名列全球營運效率最佳航空公司之一，非常可靠。 VietJet 越捷航空國際機航線： 內陸機航線： 而我地們次就選搭咗當中比較服務好既Skyboss商務機位 - 當中有三大特點係值得體驗！ 1）享用豪華候機室 • 豪華設施，提供食品，專屬小酒吧服務 2）優先登機/行李托運 ＋額外托運行李至30KG • 優先辦理登機手續 • 免費30KG托運行李，手提行李10KG • 優先行李托運 • 預選機上喜好座位 • 專享登機小巴士 3）免費靈活機票更改 • 免費變更航班日期、時間及路線* • 在既定起飛時間3個小之前變更 *乘客須支付適當的機票差價 (若有) 由Check in到上機： 講左咁多背景，開始一齊跟我地上機： VietJet SkyBoss Check in VietJet越捷航空位於香港國際機場二號客運大樓，分別有3個櫃檯，其中一個SkyBoss專屬櫃檯，由於比較少人乘搭SkyBoss，所以很快速已經完成Check in的手續。登機證上印有SkyBoss印章，還附上香港航空Lounge機場貴賓室的入場券。 上機前去一去機場貴賓室 Lounge 這次機場貴賓室是香港航空貴賓室「紫荊堂」位於香港國際機場一號客運大樓六樓離港層，毗鄰23號登機閘口。景色飽覽機場停機坪、入到裡面有好多坐位可以休息，入面可以免費任飲任食。 食物方面有各式各樣選項，當中有充滿香港特色的食物，都是即叫即整和新鮮出爐。例如車仔麵、雞蛋仔（需要等大約20分鐘）、豆腐花等。 VietJet上機體驗 上機時空姐空少都立即為我們帶領座位，全機都是以3-3配置，進入客艙右轉第一排就已經是SkyBoss的座位。SkyBoss的特選座位加上紅色頭墊。若坐第一行，前面空間很寬闊，適合腿長人士。 入座片刻，空中服務員已經上前送上支裝水及紙巾。飛行一段時間後，空姐遞上餐牌及能夠點餐，餐單上十分豐富。單是主餐約有6,7個選項，類別款式也琳琅面目。 飯類、麵類、包類都有，食物菜系有越式、泰式、西式等。 小食和飲品也是能夠點餐的、因係Skyboss的關係，都是免費能享用。 總共乘搭了2個鐘，當中就簡單一點，沒有電視打擾休息。 如果想娛樂一下，可以自備書籍，或預先在手機下載漫畫、劇集或睡眠休息也可以。整程機也很穩定舒服，很快就抵達。 到埗富國島 - 落機體驗 落機有專享的Shuttle Bus 總結一下，如果去越南，新興地點就有富國島 而要去越南，就首選CP值超高既越捷航空 下一篇就再講下富國島有咩玩 https://www.youtube.com/watch?v=_Mw-51uZps4&t

聽日就係五一勞動節假期，大陸方面今年就改左製度，怕每次5.1黃金話都太多人逼爆，而改成只放4日。由5月1放到5月4日，一共4日，而5月5月就正常，如果本身星期日休息的話，就再多一天到5月6才開工。 每到假期，唔少香港人都會趁機會去深圳食玩一日 大家都要注意一下，可能呢幾日會人多，或者部份商店會唔開架～ 整理一下勞動節北上既幾個熱點同行程！ 五一即日深圳食嘆遊行程： 第一站：北上中午打個邊爐 建議三選一：海底撈 ／探魚 ／汕頭八合里 【深圳汕頭八合里】深圳當地朋友介紹 識叫一定要叫呢3款牛肉！ 脖仁 ／五花趾 ／三花趾 【深圳國貿金光華】 抵食又大盤 味道正宗排隊人氣麻辣烤魚店 – 探魚 第二站行商場 建議三選一：萬象天地 ／CocoPark ／深業上城   【深圳萬象天地餐廳一覽】可能係深圳最多野食嘅商場 美食匯集一個地方有齊最人氣嘅餐廳！ 第三站按摩 建議三選一：泰適 ／皇室假期 ／東方園   【深圳泰式按摩】泰適 – 近來好火爆熱門的精品泰式SPA 位於購物公園站) 【深圳一日遊】嚴選深圳三個最豪華按摩大場！(2018更新) 食晚飯/消夜 建議三選一：外婆家 ／木屋燒烤 ／椰子雞 深圳串燒木屋燒烤 完全唔使睇價錢 狂點食到飽都唔使$100人仔  

而家大陸用手機支付非常方便，由比$2買枝水，到淘寶買野，或者食個飯買貴野都一樣可以微信/手機比錢，但以後就要多注意一下風險。最近就有新聞話，大陸江蘇省宜興市既公安利用大數據掃黃！查到手機同過一間足浴店有交易紀錄而又超過$600，就被懷疑嫖娼，過左去都捉返返來！ 事件一出即嘩言，堪稱全國首例。而亦有唔少媒體證實係真既，被傳召的人會按受調查，但係咪真係入到就睇證據了。 呢件事話比大家知，假如你去深圳係去足仔邪骨的話，都係萬事小心好！

佬假期自從於2017年寫過教學文章同埋YouTube影片，教大家如何在大陸開銀行戶口，再連接微信錢包同支付寶後，一路以來都成為熱門，長於最Top位置，至今已儲了超過20萬文章閱讀及13萬影片觀看！ 唔少傳聞都話香港人在大陸開銀行戶口，又要稅單、要大陸地址等等，但其實唔一定。唔少人跟佬假期既資料，都順利開到銀行戶口。不過，由於資料已有好幾個月，我地怕資料有漏有改，加上不時都有唔少讀者，在出發前Inbox跟我地查詢，以確保唔會白行一轉。經我地整合後，得最以下呢5大最常見既開戶口問題，一齊睇下： 香港人返深圳開銀行戶口 最常見的五大問題！ 第一條常見問題： 大陸開銀行戶口政策有無改變？ 而家仲開唔開到？ 大陸政策的確係周不時都會改，而且大陸咁多間銀行，再加上每一間銀行唔同分店既要求都有所不同，真係無可能可以追得好貼。不過我地去開果一間國貿工商銀行，由當日出文出文一刻到而家，政策仍然一樣 – 香港人不用大陸地址都開到。 簡單整理一下，開戶所需的資料：（2019年4月Confirmed!） 出發開戶前記得帶齊文件： 1）回鄉證，香港身份證 2）實名認證嘅大陸手機號碼 （呢篇文有教） 3）香港地址證明 (3個月有效就得-銀行月結電子版印出來都得 ) 4）附助證件：車牌/學生證/香港護照 （帶護照最方便） 5）第一次開戶，銀行方面建議最少帶定$3000人仔現金去，同埋要Keep一個月，之後就可以轉出來用，唔係手續費來的 *而第一次開戶，又想即開即用的話，建議$3000之外多帶多少少錢 咁就可以了 關於將來會唔會變方面，呢層唔駛擔心，因為我地加咗國貿工行職員嘅WeChat，如果有咩變動都第一時間收到風既 *有讀者考察報告： 隨了國貿工行之外，華強北振華路果間工行 都一樣不用稅單同大陸地址都可以開到戶口 第二條常見問題： 大陸實名認證電話方面 - 香港上台既一卡兩號得唔得？ 大陸開銀行戶口，就一定要有一個實名認證既手機號碼。除左去大陸上台開一個號碼之外，喺香港出一個一卡兩號都可以的。 最重要就係「實名上台」同有「內地嘅電話號碼」，未必一定要聽到電話，但就要一定收到由大陸Send出黎既SMS。 至於有咩一卡兩號好，聽部份佬讀者分享，原來而家香港嘅中X動有個大灣區月費Plan，用香港Plan之外再加$18就可以有埋內地嘅電話號碼，最最最好既就係有1GB上網，如果人在大陸的話係當香港漫遊上網咁可以用到Whatapp、IG、FB等香港人常用嘅平台，無懼防火牆添。 總結： 大陸電話號碼有2個方法： 1）大陸親自上台 2）香港既一卡兩號Plan 第三條常見問題： 點解一定要放$3000入銀行戶口? 國貿工行其中一個開戶要求就係要$3000人仔先開到，唔少人見到都問點解咁多？如果無又得唔得？ 其實唔少大陸銀行真係要有內地住址先可以開到戶口，我地估國貿工行唔需要地址但轉成開戶要$3000，用意係確保戶口真實，同埋想方便大家第一次入多啲，之後就不用成日都入錢。而呢$3000都唔係費用來，只係需要存放1個月後就可以再用返，而之後最低存款要求係$300。 所以開戶是需要帶$3000去，而假如想開完戶後即日用到，就建議帶多幾百蚊去，咁就一部份用來存放，一部份可以即時用。 第四條常見問題： 要整幾耐？建議預先下載定呢3個App就快一步開到戶口 開戶口整個流程要幾耐，其實好睇係星期幾同幾時去。 如果唔計排隊，到你開始的話就大概20分鐘整完。如果係平日12點前去，由入門口到整好大概30分鐘搞掂。但星期六日多人時，有機會要1-2個鐘先整好。 而為左縮短時間，同埋避免人在大陸無得上網，而銀行Wi-Fi又勁慢之下，建議可以於出發前預先下載呢3個必定用到既App，但唔使打開住，到時開戶就用得著，唔使去到先下載咁煩。 第一個App：中国工商银行 (itunes link) 第二個App：融e生活-深圳工行移动金融生活圈 (itune links) 第三個App：手機錢包 - 可以係微信或者支付寶 (支付實就係大陸版，而微信就確保係最新版本就可以了) 第五條常見問題： 香港wechathk可以大陸比錢 而家中銀香港都開到大陸戶口 點解仲要去深圳開戶口？ 其實要用到手機錢包，的確除左自己去大陸開戶口外，已經越來越多方法都可以搏得返大陸手機錢包。但經比較過後，都係認為去深圳開戶口開方便化算，原因係 1）只有大連鎖用到wechathk 大陸仍有千千萬萬間用唔到wechathk 香港版wechat pay雖然在大陸既大連鎖有過萬間店可以用到，但大陸仍有千千萬萬間都用唔到。 當離開深圳或者經的士／小店，而你又用緊香港版WeChat pay，店員好大機會係唔知咩來同未必收到你錢既，到時如果你又無帶夠現金人仔，就唔夠錢比又用唔到手機比錢了 2）關於香港銀行開既大陸戶口，我地睇過下條款，佢地基本上要你先開一個香港既銀行戶口，到你做左客戶後，先可以再開多個大陸版戶口接通兩邊。但情況係香港銀行戶口既最低結存，一般都多過大陸既要求，如果行少一轉大陸開戶，但要額外Keep多一個數(5位數起vs $300)，就個人恆量了。 另外就係速度效率，香港呢邊銀行開既大陸戶口，係要一月左右先開到，仲要審批。而如果在大陸開戶口，由入去到開完用得，係即日內完成！ 總結呢兩個情況，雖然香港呢邊都越來越多方法用到大陸手機錢包，但有一個大陸銀行戶口可能都係較為方便既方案。  

Marvel《復仇者聯盟4：終局之戰》將於周三（24日）上映，戲迷紛紛撲飛，為的是怕劇透，亦想第一時間知道結局。一如既往，Marvel電影的戲飛價錢比一般電影貴（因為片長問題及通常未能享有其他優惠），其中有戲院的3D場定價至$370一張。 MCL長沙灣戲院於2月已正式進駐長沙灣麗新商業中心，以「時光倒流二十年，當年今日價」做賣點，票價根據原址的「麗新戲院」1997年之票價，即$45一張，而3D戲飛亦只需$65。 以《復仇者聯盟4：終局之戰》為例，MCL長沙灣戲院於電影上映首日已有16場，而周圍的戲院票價都過百起跳，此院2D只是需要$75，而3D則$95。另外，戲院內亦設Iron Man同蟻俠讓戲迷拍照，戲迷萬勿錯過！ 除戲飛之外，爆谷一樣回到當年價，只需$20-$22，而汽水只需$13-$15，戲迷絕對多個廉價選擇，至於優惠會何時完結，就要緊貼MCL網站及Facebook專頁了！ MCL長沙灣戲院 前往方法：枝角站B出口沿長沙灣道行至麗新商業中心 或 長沙灣站C2出口沿長沙灣道行，經過長沙灣體育館再直行至麗新商業中心 地址：九龍長沙灣道680號麗新商業中心G/F, G56及G58-59號

深圳近年真係多咗好多大型商場，吸引唔少港人北上。不過，深圳商場同香港商場都愈來愈似，甚至一式一樣。如果行到悶，想一大班朋友上去玩，其實仲有唔同選擇，就好似去玩VR咁！ 其實香港都有VR遊戲館，不過有部分係按遊戲計錢，價錢會比較貴。而今次介紹呢間萬象VR虛擬現實體驗館，位於距離羅湖只係3個站之隔嘅大劇院站，亦都鄰近深圳書城、KK Mall同萬象城商場，玩完VR都仲可以行下附近嘅商場，玩足一日都冇問題！ 萬象VR虛擬現實體驗館有超過100個遊戲畀玩家玩選擇，價錢每一個鐘計（小編認為好夠了，因為會好攰！）去大眾點評網買定，就好可以以優惠價玩一個鐘。小編推介過山車嘅VR遊戲，其間唔知點解係可以感受到陣離心力同埋失平衡，個感覺好得意！未試過嘅可以考慮下！ 玩完VR都未夠？可以去埋同一個地方嘅「萬象Quick真人密室逃脫」，每間房都有唔同主題，入面嘅佈置都好用心，真係令你一路玩一路驚，勁刺激！ 萬象VR虛擬現實體驗館 地址：深南東路金山大廈1302 前往方法：由羅湖站乘三個站到大劇院站C1出口。 營業時間：周一至周日10am-11pm  

放假有時間，而家好多香港人都會北上去深圳食下野。 講起深圳有咩好食，其中一樣就一定係潮汕牛肉鍋，而講到要食潮汕牛肉鍋，就一定係汕頭八合里是首選，事關最出名，好食又抵！ 今篇就講下，到底汕頭八合里點去？ 而當大家去到後，見到個餐牌，都一定係頭到暈，咁到底邊一款牛先係好食？我地佬假期早前就約左個大陸朋友去食，經當地人介紹下，就有3款必試！ 就係脖仁 、五花趾、三花趾，今篇就講下。 汕頭八合里有咁多間，我地去左羅湖國貿果邊，近金光華廣場有一間： 地址： 南湖路3009号国贸商厦1层： 如果大家要去食汕頭八合里，一去到的話，都會見到個餐牌有好多款牛： 上面既名有呢度： 吊龍伴、脖仁、匙柄、五花趾、三花趾、匙仁、胸口朥、牛朴肉、雙層肉、匙肉、嫩肉、肥肉 真係一個都分唔到，想逐一叫但來到都未必認到！ 最後問左朋友，佢話有3種一定要叫！ 就係 脖仁 ／五花趾 ／三花趾   先睇下牛既部位圖解： 1）脖仁 脖仁係頭頸後面部位，因為係頭部後面位置，經常動而肉質結實，又充滿脂肪又不太肥，因而十分美味！但可惜呢個位置好少，一隻牛得一細細條，而且仲要每次切之前都要輕輕冰一冰，做法十分巧妙。 *可惜我地去果日，真係太少貨無得叫了 仲未試到 第二同三就係五花趾同三花趾： 呢兩款就係牛腳既後面肌肉，一聽就知好食： 由於太罕有，我地都係叫唔到三花，只係些到五花趾 下次一定要去再食！ 碟碟$28-34 真係元氣都唔止 可以唔好睇價錢，叫到飽為止！ 【深圳牛肉鍋】打邊爐唔好再海底撈 呢三大潮汕牛肉火鍋你一定要試！