Home 投資理財 【MPF新手攻略】職場初哥第一次填強積金 應該如何分配同埋有咩注意事項?

【MPF新手攻略】職場初哥第一次填強積金 應該如何分配同埋有咩注意事項?

713

最近98年出生的表妹畢業無耐初在職場報到,找到一份合適的工作之餘亦接觸到人生第一份強積金表格,當中有一項基金分配的位置,到底要點填,同埋有咩要考慮好?作為表哥既我就本身有少少研究,同埋在工作上遇到一個師傅聽左啲意見,就一齊比下交流一下。

新人先了解下咩係強積金MPF
係政府搞出來既野,每一個打工仔都要喺份糧度扣錢,儲落個基金度。打工仔每個月扣5%,而老版就額外供多你月薪既5%,夾埋就係你份月薪既10%,儲落一個基金度,直到你65歲為止又有命享先可以拎得返出黎。

呢啲野關唔關看己事架?咁遠既野唔使理啦?
有理會同無理會,退休個數可以差別好大

千萬唔好咁諗,假如由25歲開始,一路供到65歲,呢40年計,其實保守都儲到好幾十萬,甚至百幾二百萬架。而我以前在大少少規模既公司度打工,遇到個已經40幾50歲既前輩,由於年資高及人工高,佢又真係Show埋個戶口比我睇,好自豪咁話佢一路以來都好用心經營(之後再講點樣出出入入),已經儲到200幾萬咁話。 而呢個數唔係就咁睇而知多定少,係要同有操作同無操作來比較,佢有個同輩既同事,一路都無理過同埋揀左唔好既基金,就一路都唔過7位數字,兩者可以差別好大。

咁第一次填基金分配有咩好選擇?
表妹間公司就用宏X,收到表格時,第一件事就可以去返佢個網度睇下有邊幾隻選擇,再揀出,然後睇下報告咁選。

除左去官網之外,ETNET都有D表現睇到:
http://www.etnet.com.hk/www/tc/mpf/provider_details.php?provider=ETNSI7

咁多隻可以點揀好?
1)睇營理費
由1%-2.X%都有,差別可以好大。 你未賺就已經比基金賺左
2)唔好淨係睇個名,要入埋去睇基金分配,持有咩股
而家中美貿易戰,中美兩個爭奪世界一哥位置,誰勝誰負
暫時以股樓來看,都幾明顯
還是避開大陸的好,邊一隻基金大陸野多就要小心

3)入場既時機,到底你係高位定係向下中既底位
時機唔同,遲下你儲錢越多,差別10-20%可以影響好大
MPF每個月都會儲錢,算係平均買入法,分擔左風險。
初期可以先唔理個價錢,選對岩自己的基金,到做左幾年野時,見到個       數大左DD,就可以再登入轉都無所謂。

最緊要知道自己係隨時可以登入,做出指票改動就可以了。

有邊幾隻出名?
1)康健護理基金
留意到呢一隻表現最好,以美國為集中,今年市況波動都可以保持高位

2)北美股票基金
就有唔少Amazon,Apple,Goolge等大型巨無霸

3)亞太
就有Samsung,日本既大野

4)港股、中港股、華威動力等等
就係騰訊、內銀、內房、電訊等等組成

另外就有一些是指數基金、利息基金、債卷基金等等

總結:
1)先了解各個基金的特色同組合,仲有近期回報
2)選好基金後,就諗下最近市況岩唔岩
3)選好之後,就可以間中再睇下,隨時再轉

表妹最後選了:
康健護理基金、北美股票基金、還有一部份是利息基金
(但現時市波動,Cash Is King,有機會就再一筆過轉成其他野)

 

還想到好多東西,下回再寫。