一到聖誕，街上一定人頭湧湧，如想避開人潮，又或者無人約都好，同時又想應下節，有以下幾套有關聖誕嘅經典電影陪住你過，又點會再過Lonely Christmas？
1.Home Alone《寶貝智多星》
《寶貝智多星》一共有5集，最早個套係1990年拍，而5套都圍繞一個小朋友係聖誕時自己一個係屋企，要對付賊仔。主角都人細鬼大，好多笑位，而小編最推介《寶貝智多星3》！呢套戲係開心過聖誕嘅首選！
2.Office Christmas Party《今個聖誕無銀用》
如有鐘意《醉爆伴郎團》，相信都一定會鐘意呢套《今個聖誕無銀用》！故事講當公司即將面臨關閉之際，該公司的老細必須同同事們想辦法挽救，所以就舉辦一場最high嘅聖誕辦公室party去幫同事。至於點幫？就要睇下啦！
3.Love Actually《真的戀愛了》
除咗喜劇，聖誕一個咁浪漫嘅節日，又點可以只有喜劇，冇愛情電影？《真的戀愛了》由幾個小故事組成，故事人物將套戲連結為一個整體。而成個故事都發生係聖誕前後，幾個小故事窩心浪漫，情侶必睇！
