Home 駕駛筆記 【實用】自駕港珠澳大橋其實唔使比幾十萬買車牌 上網搞個「口岸泊車轉乘計劃」整個證就得

【實用】自駕港珠澳大橋其實唔使比幾十萬買車牌 上網搞個「口岸泊車轉乘計劃」整個證就得

3986

港珠澳大橋通車都有一段時間,有車人士有無考慮過點樣可以開車過去?
之前就無深入研究,以為一定要整個大橋車牌,包埋中港澳三地,呢一種牌都成好幾十萬,勁似投資騙案。

直到最近見到朋友自駕遊港珠澳大橋,問佢乜你整左個中港車牌,要比好幾十萬果D?
一問起朋友傾起先知,原來要開車去大橋,唔一定要整個中港大橋車牌,原來有一種車牌係可以照入大橋,泊在澳門口岸唔入城,仲要網上申請就得,再加個保費都係一年$3000幾蚊。

聽到之後就覺得幾過癮,網上搵到D資料,下面整理一下。

呢個車牌係咩名堂?
港珠澳大橋口岸泊車轉乘計劃

係咩原理?
原來呢個唔係我之前理解果隻中港兩邊走既大橋車牌,而只係一個禁區行車證。意思就係,港珠澳大橋屬禁區,網上申請左呢個「港珠澳大橋口岸泊車轉乘計劃」,就有個使用權,可以去到澳門邊既口岸泊車,再自行轉巴士入澳門,走時就自行去返口岸,要揸走架車返香港。

使用流程係:
香港開車,經港珠澳大橋,到達澳門口岸後,泊在口岸位置,再自行過關入澳門。回程時,出澳門境,再取車返香港。

不過睇返都幾多手續,唔係話去就去:
要申領齊:
1)香港運輸署既「過境車輛封閉道路通行許可證」
2)澳門交通局發出的「停泊港珠澳大橋邊檢大樓東停車場識別標誌」
3)內地發出的車牌牌證及駕駛許可「備案」
4)仲要多個三地車保
整個手續差不多要兩周
整證費用幾百蚊
三地車保每年$3000-4000

有片: