尋日出左大新聞，就係政府推行《緊急法》，並且正式實施「禁蒙面法」。係街上有好多人戴口罩，以無聲抗議表達不滿，今篇文章大家一齊了解下咩係「禁蒙面法」，同埋「禁蒙面法」會帶黎咩影響呢？
咩係《緊急法》？
- 《緊急法》即係《緊急情況規例條例》。1922年，港英政府因應香港海員罷工而通過嘅法律，香港對上一次引用《緊急法》，就係港英政府頒佈多項緊急令平息六七暴亂。
- 《緊急法》即係繞過原本香港既定嘅立法程序。
香港原來係三權分立，行政、立法、施法係分開進行：
政府草擬法例〉行政會議〉立法會三讀〉辯論〉刊憲〉完成立法程序。
咩係〈禁蒙面法〉？
原來其他地區都實施過「禁蒙面法」，例如法國、德國、俄羅斯、加拿大。「禁蒙面法」〉係當示威係參與暴動/非法集結時蒙面，就已經係違法，但係其實蒙面嘅定義好模糊，政府表示，以下幾個條件可以作為「合理辯解」。
- 醫學/健康理由
- 宗教理由
- 工作時需要蒙面物品保障自身安全。
推行「禁蒙面法」有咩影響？
－ 三權分立名存實亡
香港一直係法治社會，但係「禁蒙面法」一出，令人懷疑係咪民主倒退嘅跡象，動搖緊香港法治地位。
香港大學法律學院首席講師張達明指出，立蒙面法未必可以止暴制亂，
更加係向世界宣示香港唔再以法律程序去處理法律問題，
係一個好壞嘅先例。
－ 《緊急法》同《基本法》抵觸
基本法提到我地有集會自由、示威遊行嘅權力，而且香港嘅立法權係屬於立法會，並唔係政府/特首一人。《緊急法》係限制左我地係基本法上列明嘅自由，阻止市民表達訴求嘅權利，所以到底《緊急法》有無足夠嘅法理基礎係值得商榷。
－ 港府開創先例 成為獨裁地區？
原來好多市民擔心今次政府推出《緊急法》只係試水溫，之後會立23條、送中惡法、宵禁、國歌法、禁用通訊軟件、禁止傳媒運作等，同時亦唔想政府逐步控制市民嘅自由而成為一個獨裁地區。
