平日想同男/女朋友拍拖又諗唔到可以去邊？
其實唔一定要消費嘅，可以浪漫地去睇下日落散步
香港都唔有唔少靚景位睇日落㗎
睇下喺邊之後帶伴侶去拍下拖啦！
五大浪漫睇日落靚景位
1. 堅尼地城新海旁
相信大家聽到呢個地方都諗起颱風嘅時候有唔少人專程去睇浪感受颱風威力
事實上，天朗氣清嘅時候，呢到喺可以望到汀九橋及青馬橋，日落景色亦非常動人
有唔少人都會嚟呢到欣賞景色同打卡影相，仲有唔少人會帶寵物嚟散步添
情侶們仲可以喺卑路乍灣巴士站旁邊嘅海濱長廊漫步，觀賞日落
另外，溫馨提示一下大家，附近有非常多具質素餐廳及Café，大家可以享受一個悠閒下午/晚上
地址：香港西環堅尼地城新海旁(顯示地圖)
2. 西九龍海濱長廊
西九龍海濱長廊位於九龍站對開，呢到比起尖沙咀海傍更加靠近維港，更加近距離
呢到除咗睇日落仲好適合野餐添，同另一半瞓係草地睇日落再加上野餐，真係好浪漫！
順便仲可以欣賞埋維港景色
地址：九龍西九龍文化區內(顯示地圖)
3. 觀塘海濱長廊
平時喺觀塘海濱都會見到唔少人做運動、坐喺草地傾偈
節目嘅時候更會有音樂表演，可以話係好熱鬧嘅地方
觀塘海濱長廊都係另一個易達度滿分嘅日落景點
由觀塘或牛頭角地鐵站步行至海濱長廊只需要約10分鐘
對岸就係啟德郵輪碼頭，風景不錯，之後可以同另一半喺觀塘食埋晚餐
地址：九龍觀塘海濱道(顯示地圖)
4. 赤鱲角機場維修區日落
機場維修區係一個好熱門嘅影相打卡位，鍾意睇飛機衝上雲霄呢個地點絕對適合你
位於香港機場兩條跑道的末端，經常會見到飛機起飛
日落時份，看著跑道顯示燈一閃一閃，飛機徐徐降落，非常浪漫
地址：香港赤臘角機場南環路(顯示地圖)
5. 尖沙咀中港城
尖沙咀除咗多美食又可以行街，原來仲有日落睇
要去尖沙咀睇日落景，絕大部分人都被天星碼頭旁邊嘅觀景台吸引
再加上中港城「海豚雕塑」嘅襯托下，配埋咁靚日落，絕對係拍拖睇日落嘅好去處
地址：尖沙咀廣東道33號中港城平台(顯示地圖)
