Home 投資理財 【分析】股價回到2字頭 一代股王騰訊(700)仍是買入機會嗎?

【分析】股價回到2字頭 一代股王騰訊(700)仍是買入機會嗎?

644

一代股王騰訊,支撐港股半邊天,亦係唔少股民心目中既股王。
多年來只升不跌既神話,每次遇上回調合埋眼就入,最後都係破新高既故事,今次仲Work唔Work呢?
眼見股王由高位$450跌到昨日最低$260幾,跌左40%有多,今次仲係咪入市機會?
到底係神話爆破定係將來會破新高?

就好睇騰訊再有無創新的心,如果有就仲有機,但假如變成純投資控股公司,就要打個折了。
下面繼續。

 

要決定係買定係唔再買,先要留意騰訊早前的發展同回調深度:
騰訊由上市$3上到今時今日水平,出現左兩次大回調:

第一次係2008年股災期間,跌過39%後就重新再上
第二次就都係07年,跌過30%後再上
其他在非金融危機下出現既跌副,就係20%左右

在跌左40%有多後,騰信可以再買,支持方的原因係:
咁耐以來,騰訊都擁有開發爆款明星產品的能力,好似2008年穿越火線、2013年出微信(後來有錢包功能)、2017年出王者榮耀,都可以令到騰訊一而再再而三咁向上發展。 如果大家都相信騰訊仲有呢個能力,咁今次就係一個機會。

反對一方既意見,認為唔再買得過既原因:
唔少人都認為騰訊自從做大左之後,因為勢力太大而失去左再創新既方向,慢慢變成一間投資控股公司,每次只係一見到有潛力既公司就買起人地,減低對自己既影響。 大家都可能見到呢輪有大陸政策收緊遊戲類別,又有頭條日報抖音既夾擊,騰訊優勢慢慢減弱,呢個都係一個因素。

總結兩邊意見,呢個時候入,如果騰訊將來仲有新發展,咁第時重望今日一定會再新高,但如果只係變成一間控股公司,就算過到呢一關,騰訊都只會是平穩,難以再有高估值了。

*以上不構成任何投資意見