女性去廁所一向都要大排長龍，假若仲遇上骯髒嘅廁所板真係一件痛苦嘅事。香港廁所協會有見及此，認為當局能夠引入「女性尿斗」，配合埋「女性尿兜」，預計仲可以縮短一半的如廁時間。協會副主席熊志權也提到政府增設「女性尿兜」，所需佔用空間比起一般坐廁嘅廁格細，仲可以增加埋女廁數目，解決土地問題。
上網睇返資料，「女性尿斗」概念已經存在近100年，係外國常用於戶外運動或活動上，例如行山、音樂節、劇場活動、賽事場館等，俱有快速、衛生、節水、省空間的優點。
一提出就引來不少女網民質疑，為釋除公眾疑慮，香港廁所協會副主席熊志權博士親自示範點樣用「女性尿斗」。
完整片段，仲有女性用後感：
各位女士們，有冇試過好急好想去廁所時，發現女廁大排長龍，排極都未到你去呢？今朝香港廁所協會嘅副主席熊志權嚟到晴朗為大家介紹「女性尿斗」，以後普及咗女士都可以好似男士們咁快速地如廁喇！「女性尿斗」嘅好處係縮減女性如廁同輪候時間，慳位之餘仲可以方便到孕婦、傷者、行動不便等人士使用，諗緊自己會唔會用尿斗前先睇下熊志權同主持張子君點講先！
Posted by 雷霆881 在晴朗的一天出發 on Sunday, November 18, 2018
雖然外國係好普遍，但對香港呢樣野就唔太熟悉，就算實施都要一段長時間學習和普及。
資料來源：雷霆881 在晴朗的一天出發Facebook，互聯網
