Home 旅行遊記 越南富國島自由行 5大必去景點逐一數 (Plan行程必讀)

越南富國島自由行 5大必去景點逐一數 (Plan行程必讀)

185

正在Plan行程嘅你,唔知係咪想知多啲越南富國島有咩玩?
而家玩越南就唔再淨係河內、胡志明市同芽莊,而有越南版的峇里島之稱既富國島都好值得考慮,皆因最近有新直航仲免簽證添!

越南富國島基本資料:

富國島(英文:Phu Quoc Island) 位於越南西南部,比較近胡志明市,亦係越南最大既島。由於當地盛產珍珠,所以又名叫「珍珠島」。富國島係越南唯一一個免簽證地區,由香港坐直航至富國島係唔使簽證既,航程大約 2 小時 45 分鐘。(如果以前要經胡志門論轉機,就要簽證喇,所以方便好多)

 

越捷航空VietJet有直航 

相信大家睇呢篇文章都有意到富國島玩,假若對於香港有咩直航去富國島?當中體驗又係點,可以睇下呢篇文《越南富國島最新直航!搶先體驗越捷航空VietJet Skyboss級機位》

富國島五大景點逐一睇:

1.富國夜市 Phu Quoc Night Market

每次去旅行我地都好鍾意去當地夜市行,因為可以體驗地道特色,又或者睇下有咩手信買。而富國島因為仲未係一個熱門旅遊熱點,島上有一個唯一嘅夜市,就連當地居民都會過來逛逛,仍然保留地道特色,唔會過份商業化。

雖然夜市規模唔算好大,但就已經集合夜市所需,當地特產同街邊地道小食都有齊。首先就見到有唔少海鮮餐廳,Check過價錢都比香港平,鍾意海鮮既就唔可以錯過喇,食完晚餐之外,夜市內都有文青咖啡甜品店,再Relax下食個雪糕都好有Feel,炒雪糕,是現場用新鮮水果即叫即整,啱哂越南炎熱嘅天氣降降溫!

唔夠喉就仲有一啲路邊攤,有小食或土產如花生、胡椒、魚露、魚乾、珍珠、手工藝品、服飾等等可以做手信。

交通點去:
1)部份酒店有免費Shuttle Bus來回
2)我地住Novotel Resort – 搭的士直去大概150萬VND 10分鐘左右去到

 

2. 富國島太陽世界自然公園纜車
世界最長纜車 Hon Thom Nature Park Phu Quoc

富國島太陽世界自然公園纜車,於2018開始營運,是目前全世界最長的跨海纜車,總共長7,899米。差不多係每次去富國島都必到行程之一!搭纜車全程大概15分鐘左右,從安提鎮出發,跨越瑞島、椰子島至終點鳳梨島。

途中可以眺望飽覽海上密密麻麻漁船、小島景色、特色漁村,最高速度可達到每秒8.5公尺,一個車廂最多仲可以乘載24位乘客,全程只需要15分鐘就到達海灘Hon Thom Beach!可以係個度享受陽光與海灘悠閒度假風情,欣賞島上未經破壞的純淨沙灘和豐富的海洋生態。

Hon Thom Beach有水上遊玩設施或者享受日光浴都得,仲有好多富國島必定要去嘅打卡位

3.探索富國島大自然之旅

 

講到富國島,第一時間就會諗起當地大自然嘅風景,去得當地就一定要體驗一下大自然。要體驗富國島大自然可以預早Book定Day Trip,之後到當地選定嘅日子和時間參加探索之旅。

行程方面就可以乘坐皮划艇探索Cua Can河,發現自然美景。到訪當地嘅國家公園,有許多珍貴嘅百年老樹。而富國島生產嘅魚露同胡椒可以話係享負盛名,到當地必買嘅伴手禮。一般Day Tour都可以參觀當地的生產基地,魚露廠、胡椒農場、水果園、Sim酒廠以及有機蜜蜂農場。

當地魚露廠會將新鮮捉嚟嘅白飯魚原條倒入大桶。當一年過後就完成,流出嚟係濃厚,並非一滴一滴咁,魚露有65度嘅濃度,鍾意廚野食既你就可以買返啲返去!

參觀當地胡椒農場,可以親眼見證著名的富國島胡椒係點樣由一棵棵變成瓶裝胡椒粉。個度仲可以買胡椒原粒、胡椒粉、胡椒醬等,仲提供試食購買!

 

4.富國島珍珠遊樂園 Vinpearl Land Phú Quốc

差不多每個去富國島既人,都一定會去「珍珠遊樂園 Vinpearl Land」。門票只係HKD$100多,就可以玩盡遊樂園入面各式各樣嘅機動遊戲以及水上活動,再加上樂園入面建築好有歐陸風情,真係可以玩足一日。

而如果想睇埋動物園,可以去埋隔離既 Vinpearl Safari,如果兩張門票一齊買,價錢仲抵啲!

遊樂園就分咗兩個區域,分別是Water Park 及 Game Zone。

Water Park係水上遊樂場,有滑梯、人造浪泳池等,適合一家大小遊玩,炎熱的天氣玩水上樂園令人感到沁涼。

另一個區域是 Game Zone 則是陸地上的娛樂設施,有各款過山車、海盜船、摩天輪、旋轉木馬、等戶外娛樂設施,還有室內大型電玩城和水族館,亦少不了眾多的精彩表演節。

一個遊樂園可滿足不同人的玩樂需要,玩足一整天都唔夠呀!

想購買門票:https://www.klook.com

 

5.富國島野生動物園 Vinpearl Safari Phú Quốc

富國島的Vinpearl Safari在 Vinpearl Land的隔離。佔地380公頃,係越南最大的野生保護動物園,保存咗豐富的當地和外來動植物,有400種植物和3000種動物,當中包括來自世界各地的150種珍稀動物。

入到去行到熱熱地,仲可以坐專用巴士去野生動物區,導遊以英語和越南話同你介紹動物,有猩猩、駱駝、鸚鵡咁。如果想同動物有多D互動可以去餵食動物餐廳餵佢地,分別可以餵長頸鹿和大象。象園 (Elephant cage)和長頸鹿餐廳(Giraffe Restaurant)開放時間和收費都係一樣,9:00-15:30開放和需要30,000 VND。

想購買門票:https://www.klook.com

總結而言,富國島適合一眾熱愛與陽光與沙灘的人和一家大小來享受小島渡假慢活氣氛。當中,夜市能夠感受當地純樸的夜生活;富國島動物園則具有教育意義、兩者兼得。

如果想出發去富國島,機票方面就可以選擇越捷航空,而當地行程套票就可以預早喺Klook買定。
想購買門票:https://www.klook.com