Home 旅行遊記 【假日好去處 – 下白泥一日遊】浪漫睇日落、輕鬆接觸大自然

【假日好去處 – 下白泥一日遊】浪漫睇日落、輕鬆接觸大自然

416

一聽到下白泥呢個地方,就一定聯想到好出名嘅日落
好多人都為咗呢到嘅日落景色而去打卡影相
除咗日落,潮漲潮退都係必睇嘅景色
係到可以見到好多情侶影靚相同拍拖

下白泥位於新界西北元朗流浮山,位置偏遠
不過可以踏足下白泥,望住泥灘、沙丘、小溪、大海真係好放鬆
好多人都會四圍輕鬆踱步,等待日落到來
仲會有啲人係到「溜龜」,一齊感受大自然

潮漲潮退嘅景色都好值得欣賞,有不同嘅美

放假去行下影下相,簡單輕鬆過一日
如果有時間嘅話可以去附近嘅鴨仔坑士多
係一間充滿東南亞風情嘅露天餐廳,等睇日落期間可以係到食個下午茶

· 鴨仔坑士多


餐廳入面全部都係木枱佈置同一間間小木屋
好有渡假村嘅感覺,食物都係一般茶餐廳可以食到嘅

係呢個士多可以影到旅行感覺嘅相,加上周邊線油油嘅植物,景色好靚!

係士多行去睇日落嘅地方沿途都好靚,可以一路行一路影

地址 : 稔灣路283A(顯示地圖)
開放時間 : 星期一至日 (14:00 – 20:00)
交通資訊 : 元朗泰豐街乘33號小巴出發,於鴨仔坑士多下車,車程約需30分鐘
電話號碼 : 9804 3042

至於欣賞日落前都有事前功夫要準備,等我睇下大家有咩需要注意!

遊覽下白泥注意事項

  • 出發前記得去天文台網站確實日落時間,規劃行程。
  • 下白泥的泥灘一望無際,基本上連一棵大樹都無,等看日落期間須曝曬。
    記得搽防曬,或穿着防曬裝備。
  • 進入泥灘前有一家士多,可進去光顧和乘涼。
  • 不要赤腳走近蠔排,小心刺到雙腳呢!
  • 記得帶蚊怕水。當地有頗多小昆蟲,候車處頗多蚊滋。
    日落後會有很多人同一時間離開,而最後一班小巴約在晚上九時三十分開出。

前往下白泥方法

公共小巴:可於元朗泰豐街搭乘33號小巴前往
的士:由天水圍西鐵站搭的士前往
私家車:自駕去下白泥最方便,但要注意村路狹窄,駕車時必須小心

地址 : 香港新界元朗流浮山
日落時間 : 到天文台查看下白泥日落時間