Home 旅行遊記 【香港五大野餐地點推介】 – 草地公園、放風箏、踩單車

【香港五大野餐地點推介】 – 草地公園、放風箏、踩單車

222

假日想休息但係又唔想留係屋企咁悶,通常野餐係一個唔錯嘅活動
靜靜地係戶外坐下食嘢,比小朋友玩下跑下,同閨密談心
唔洗局限係室內,空氣都清新啲
香港有唔少地方靚之餘仲有大草地,我地一齊睇下有咩好推介啦!

香港五大野餐地點推介

1. 山頂公園 – 貴族野餐、文青打卡

山頂公園原是香港總督的山頂別墅,由於戰火損毀遭到拆卸
後來空地發展為山頂公園,而最有標誌性嘅就一定係四格花園
設計優美典雅,仲係新人好喜愛嘅婚照拍攝地


除咗有一大片草地可以野餐,當中仲有唔少打卡位
沿途都會見到呢啲建築物架


呢個地方感覺好寧靜優雅,坐底享受下野餐影相打卡都好舒服啊!

地址 : 香港中環花園道33號(顯示地圖)
前往方法 : 可乘搭山頂纜車或15號巴士;自駕的話,需時約8-10分鐘左右(有小量停車錶位)

2. 啟德跑道公園 – 無敵海景

啟德跑道公園是啓德郵輪碼兩個公園的其中一個,另一個是啟德郵輪碼頭公園
除咗可以踏上昔日嘅跑道,透過展覽認識舊啓德機場的歷史
公園環境舒適,景致開揚,仲有一個兩面臨海大草地
咁大個草地真係可以大字型瞓係到感受下,望下天空

公園當中仲有一啲展覽區,可以認識下啟德嘅歷史

地址:啟德郵輪碼頭(顯示地圖
前往方法:九龍灣港鐵站乘86號小巴直達總站,步行10分鐘

3. 中山紀念公園

公園附近有足球場、籃球場及體育館,做完運動就可以係側邊個草地即刻野餐


附近嘅景色都好簡單好靚,仲有個噴水池可以影下相

地址:西營盤東邊街北(顯示地圖
前往方法:西營盤港鐵站A2出口,步行約5分鐘

4. 大埔海濱公園 – 放風箏踩單車

踩單車遊走大埔到海濱公園絕對是既舒服又治癒嘅選擇
相信好多人都曾經踩去大尾督時經過海濱公園,可以嘗試將終點定係大埔海濱公園
或者在海濱公園停一停,泊好單車去看風景,仲可以係草地放風箏
場內多塊可供野餐的大草地散落在園內各處,園內亦歡迎踩單車及玩模型船
公園內亦有其他設施,如回歸紀念塔、昆蟲屋及西式花園等等,夠玩足全日

海濱公園都有唔少景點打卡位,有唔少情侶同小朋友係到影相架!

地址:大埔區大埔大發街(顯示地圖)
前往方法:大埔墟港鐵站轉乘 71K 線巴士

5. 添馬公園

政府總部附近嘅添馬公園一直係熱門嘅野餐好去處
位於金鐘嘅添馬公園佔地17,000平方米,交通好方便,金鐘港鐵站一出過條天橋就到
添馬公園仲有無敵海景,咁大嘅草地仲可以周圍行周圍坐係到野餐

咁舒服嘅環境仲有唔少人會係到跑步做運動,咁廣闊嘅環境下真係身心都舒暢

地址:金鐘夏慤道(顯示地圖
前往方法:金鐘港鐵站A出口,步行約10分鐘