【Mirror演唱會意外】創傷後遺症（PTSD)四大症狀？見到意外好不安應該點處理？

July 29, 2022

187

香港人氣男團MIRROR係琴晚（7月28號）舉行嘅演唱會期間發生嚴重嘅舞台意外，懸掛半空係大型屏幕由高處跌落砸中台上兩名舞蹈員，演唱會臨時腰斬取消，傷者被立即送往醫院治理。

事發場面觸目驚心，唔少在場粉絲嚇得尖叫頻頻，而事發嘅片段亦在網上瘋傳，唔少網民睇過片段之後都有不安、驚嚇等情緒。係面對這類如此嚴重嘅意外，其實隨時有機會埋下患上創傷後遺症(PTSD)嘅隱憂㗎！

創傷後壓力症（PTSD）是什麼？

創傷後壓力症（PTSD）係一種因創傷經歷同壓力導致嘅心理疾患，可能因為經歷巨大嘅威脅或災難性嘅事件，例如天災、嚴重意外、目睹別人慘死，或者親歷暴力罪案而產生嘅症狀。

創傷後遺症（PTSD）有咩症狀？

根據衛生防護中心的資料，整合了四個主要症狀。

（1）對創傷嘅反復體驗

患者會有經歷「閃回」，感覺自己正在經歷之前嘅創傷事件，或者做出如同身處事件中嘅行為，又或者會重複做同創傷內容或創傷時嘅痛苦感受等相關嘅噩夢。有時候，創傷嘅痛苦記憶會不由自主地重複浮現。

（2）回避行為

患者會回避創傷相關嘅痛苦回憶、思想或感受，抑或會回避會引發創傷回憶嘅人、物或情景。

（3）認知和情緒嘅負面變化

患者會一直處於負面情緒當中，例如恐懼、憤怒、內疚、羞恥。之後患者會長時間無法感受正面情緒，對生活中主要活動嘅興趣或參與亦會顯著減少。

（4）過度警覺和易受刺激

患者嘅行為會顯得焦慮，甚至會過度警惕，時刻都擔心緊周圍有危險。亦會有睡眠失調嘅問題。

見到意外好不安應該點處理？

根據專業人士Miss Wow嘅分享，如果見到意外當下有強烈嘅反應，很有可能進入咗一個防衛機制的狀態。

如果進入左戰鬥或逃跑反應（hyperarousal），例如成個人都震晒，好緊張，可以深呼吸4秒，Hold住個呼吸7秒，再用8秒用口呼出氣。

如果感覺自己個人麻木咗冇反應，可以嘗試用搓手5秒後，將手放在面上感受手嘅溫度。或用手拍打另一隻手的手背或手臂，喚醒自己。

—————————————————————————————————————

如果反應過來，都需要搵返專業人士或機構傾訴同處理㗎！