Home 生活智慧 【戴套攻略】 專家教你正確使用安全套嘅4大重點!

【戴套攻略】 專家教你正確使用安全套嘅4大重點!

64

安全套最重要嘅作用就係避孕和防止性病傳播。所以如果唔正確使用安全套,除咗會大大增加懷孕機率之外,仲會有機會感染性病!所以曳曳嘅時候一定要戴好套套呀!

戴套套聽落好似好簡單,不過其實原來仲有好多人唔識點戴安全套?!今日小編就特別整理咗安全套嘅使用教學,希望幫到各位巴打啦!

(一)檢查安全套有冇過期、破損

首先,打開安全套用之前記得要睇清楚安全套嘅使用期限呀,一般安全套嘅保質期係由生產日期起計約3至5年。而一般安全套過咗保質期就可能因為潤滑液已揮發而令到表面乾燥,會有破裂穿洞嘅情況因而失去原本嘅功用。

除此以外,都要睇清楚套套嘅包裝有冇損壞或破裂嘅跡象。大家都常常會將安全套放入係銀包或者褲袋,但其實咁樣好大機會令安全套同銀包褲袋不停磨擦然後破損,所以大家都儘量唔好將安全套放係銀包褲袋呢啲容易磨擦嘅地方啦。

(二)打開包裝要小心

其實好多人因為心急得制,會好大力咁撕、用牙咬開安全套,其實咁樣好容易就唔小心整穿安全套!而正確打開安全套應該係要慢慢沿住邊角位撕開包裝,再用手指小心拎出套套,記得拎出黎嘅過程都小心唔好用指甲刮到,整穿咗就冇用㗎啦。

(三)分清楚正反面,安全套頂端要擠出空氣

安全套嘅外包裝一般都會印上正反面,打開安全套後要將正面嗰邊套係JJ度,如果唔小心套錯咗反面嘅話,唔好怕浪費,要換過一個新㗎啦,因為反面掂到JJ嗰陣,有機會帶有精子嘅液體(即尿道球腺液),而再用正面戴返上去再曳曳嗰陣,精子就會隨之入埋陰道,變相亦有懷孕風險。

另外,套落JJ前要先擠壓安全套頂端嘅空氣囊,令到頂瑞可以有儲存精液嘅位置,而套落JJ底時,要用手指小心將安全套捲起嘅位置展開。

(四)結束後Check清楚安全套有冇破裂先好掉落垃圾桶

射精後要儘快將仲係勃起狀態嘅JJ抽出,以免JJ軟咗之後精液有機會從套套流出至陰道。

抽出安全套後,將套套嘅頂端打結,再檢查安全套有冇破損,如果冇破損先好將安全套掉落垃圾桶度。

戴安全套嘅最佳時機係幾時?

提提大家,有啲人都以為射精前先至要戴套。但其實戴套嘅最佳時機係插入前,因為前戲嗰陣,JJ興奮時都會分泌液體(即尿道球腺液)出黎,而佢裏內亦會藏有少量精子,插入之後同射精之前先至嚟戴,某程度上就大大減低咗安全套避孕同防止感染性病嘅功能性。

推薦閱讀:【安全套比較】杜蕾斯、岡本、相模、JEX、SKYN邊款安全套好用啲?安全套品牌大比拼!

想搵 19-Toys濕鳩玩具優惠碼?
佬假期專屬Promote Code:
loholiday50
凡購買任何產品滿$380即全單減$50!
傳送門👉🏻 19Toys 濕鳩玩具 

資訊來自 19 toys 濕鳩玩具