最近，秋天臨近，天氣逐漸變涼爽，不似夏天咁熱！秋高氣爽最啱就係行山，享受大自然涼風和欣賞自然景色！但新手或者想輕鬆行山有咩路線，呢篇文章嚴選會介紹3個新手必去的簡單輕鬆行山路線，有一些路線可能只係用一小時多就行完，啱哂忙碌嘅都市人！
1.城門水塘
城門水塘係行山必去的地點之一。原因係易去易行多野睇、啱哂唔同人。新手或一家人可以選擇較易路段，圍住水塘邊輕鬆郊遊都係平路，浴路好好風景，又或者去野餐都得。而行山愛好者能挑戰城門水塘圍圈一周，全程大概4小時上下。
而當中城門水塘白千層景色更吸引謝安琪（Kay）拍攝紀念入行十年的新歌的MV–《山林道》。
交通點去？
方法一：荃灣眾安街口搭綠色小巴82號直達城門水塘（總站）
方法二：沙田大埔作起點，乘搭巴士73X、40X、47X或48X，於可風中學站落車。沿城門道行入，到城門小巴站1公里。
方法三：梨木樹巴士總部對出的樓梯行上城門水塘。能到梨木樹巴士總部巴士有36M、36A、36、36B、32。
2.梅窩 到 愉景灣 / 愉景灣 到 梅窩
梅窩出發到愉景灣呢個路線都係好岩同朋友一齊去。事關路線大概1小時就行完，起點方便，去到終點又可以喺愉景灣食埋晚飯先走。全程唔斜，風景好，簡單得來又輕鬆。
最重要就係可以星期選日訓到晏一晏，約大家2點鐘中環碼頭集合，慢慢咁去到梅窩行山路口出發就3點，4-5點就行完，愉景灣搵餐廳，再各自返屋企。
梅窩是早期的大嶼山交通樞紐，儘管現在被東涌線地鐵取代交通樞紐位置。但依然是景色優美、能欣賞沿海、歷史建築和山林景色，適合一家大細去。沿路都有指示牌，唔駛驚唔識點行。
銀礦灣
涼亭
聖母神樂院
愉景灣巴士站及碼頭
交通：於中環碼頭乘渡輪往梅窩，或於港鐵東涌站乘巴士至梅窩。
3.馬鞍山 到 昂平
仲有一個路線都好唔錯，就係馬鞍山到昂平，再沿路回程(或直落西貢)
最主要係昂平風景靚，而路線不難。
昂平是香港沙田區的一個高原，由馬鞍山郊遊徑上的昂平平原只需一小時。當中，有昂平營地和昂平觀景台。昂平營地是漁護署指定露營地點之一，有燒烤爐、檯、櫈，BBQ或野餐都好適合。昂平觀景台則可俯瞰西貢市和西貢海。
同時，吸引滑翔傘愛好者
交通：馬鞍山村至新港城小巴84R（一日8班）
圖源：互聯網
