Home 投資理財 【佬投資日記】穩定7厘高股息股之選 擁始創中心嘅34九龍建業

【佬投資日記】穩定7厘高股息股之選 擁始創中心嘅34九龍建業

1642

早前就寫過一篇係準備計劃今年既儲收息股既分析,揀左5隻值得考慮既組合。再經挑選後,暫時就較喜歡34九龍建業,今次就再深入寫多少少。

之前果一篇就整合左以下呢5隻:
【2019收息股】由今日起開始儲錢 到底買邊隻收息股最好?

領展房產基金 823
港燈-SS 2638
冠君產業信託 2778
九龍建業34
工商銀行1398

再綜合睇,823現價少少貴、港燈5%息率、2778未到5%、1398可以,而只有34九龍建業高達7%股息。

再深看之下,九龍建業有好幾個好處。
1)穩定7%股息率

由2013年起每年派$0.5-0.65股息,而個勢是每年都有增加。股價方面則長期於$8-9中間橫行,年息率有7%,而儲兩年可以收到$1息,相當穩定。

2)擁有高質土儲,業務40%來自物業收租

九龍建業(00034)主要業務係地產發展及投資,主要收租物業有太子始創中心,而新盤就有土瓜灣環海東岸等。

其實呢隻股我跟左有10年有多,因自細在太子長大,每個星期都會去始創飲茶,果度人流雖然唔係好多,但都算係一個好值錢的地點地標。

而當中仲有一個故事可能好多人都唔記得左
就係於2008年,其實九龍建業主席柯為湘曾經因為炒燶I kill you later而隻股一日跌7成。

「九龍建業炒累計期權巨虧37億

人稱 “澳門李嘉誠”的柯為湘成為又一位“栽”在金融衍生品手中的重量級富豪。柯為湘家族旗下的九龍建業(00034,HK)近日公告稱,從2008年1月1日至10月22日,公司財務投資活動巨虧37億港元,其中30億港元虧損發生在最近4個月。九龍建業昨日 逆 勢 下 跌41.73%,收于1.55港元,盤中最大跌幅達75%。」

呢一隻的話,確實係有好有唔好。
暫時揀住佢先,仲會繼續做搜集。