相信未有得去旅行，露營係好多人嘅選擇
每次見到人地露營都要準備好多嘢，而且活動唔多
小編今次搵到個好正嘅地方，除咗有唔同地方嘅營區，仲有多種活動可以體驗一下
係唔係聽到都感興趣呢？等我介紹下呢個咁正嘅地方喺邊啦！
長洲西園
西園位於長洲西南角，園内十一英畝土地劃分四個主題營區
亦設衆多戸外活動丶自然空間
係提供一個上選生態丶教育及自然休閒樂園丶持續長洲原有趣味嘅地方
以下係西園嘅位置
至於西園夠竟點去㗎呢？
前往西園交通指南
前往嘅方法有幾種，可以步行、單車、乘坐街渡
步行
從長洲碼頭往右邊直路走至長洲街市。沿海傍「長洲西堤路」往西灣方向走到盡頭，見到「快樂士多」左轉上「贊端路」。於斜路頂端看到西園的大紅色趟籠門便到。
全程步行約 20 至 25 分鐘。
踩單車
在前往西園的路徑上，可於長洲碼頭附近搵單車租用店。
西園場內提供有限免費單車泊位 (三輪車除外)。
街渡
從長洲碼頭右旁之公眾碼頭 (白色陽篷下)，乘坐「華勝街渡」至「西灣碼頭 ∕ 張保仔洞」(約 10 分鐘)，由西灣碼頭左接「贊端路」途經「西堤路」大牌坊及「美經援村」，上斜見西園的大紅色趟籠門便到。行程約 4 分鐘。
「華勝街渡」電話：9639 2349
登船位置
喺西灣碼頭落船
以下就睇下西園有咩營區同有咩活動可以參與啦！
五大主題營區
1. 星海之森
設300呎起居營舍及休閒設施的近三千呎的草地平台
可以喺篝火旁同家人/朋友共享星空，或者用膳區生火野炊、燒烤晚餐
起居於透明圓拱屋，可以喺營入面獨覽長洲鯆魚灣海景、遠眺大嶼山海岸、觀賞船隻穿梭、享受黃昏日落美景。夜間透過天窗仰望閃爍星光，感受大自然。
2. 南非營區
區內共有三款呎吋的營舍以供選擇，可容納2至9人
每營均設有陽台、野餐桌、營頂燈；帳內設有吊扇，吊燈及蚊簾，部份營舍更配備空調、冷熱水淋浴及獨立衛生間，為營友提供顯赫、舒適的露營生活。
3. 蒙古包
西園設三個時尚蒙古包，各可容四人起居
營頂設圓頂天窗作採光之用，營內設有茶桌雅座，各營亦配備空調，冷熱水淋浴及獨立衛生間，為營友提供顯赫舒適的露營生活。
4. 觀星圓拱屋營區
觀星圓拱屋可容納4人，配備空調、冷熱水淋浴及獨立衛生間，為營友提供顯赫舒適的露營生活。
5. 赤日
赤日喺一個懸掛於空中的3米直徑大圓球，有高度私隱嘅野外環境裡經歷一種全新的住宿體驗。
營區有獨立洗手間、冷氣機等等，好多設施都已經有
即使喺咁熱嘅天氣下露營都唔洗怕，除咗有咁特色嘅營區
場內仲有其他活動可以玩同體驗，等我推介下比大家啦！
至於入營同退營時間都要留意返
入營時間 ： 15:00pm – 19:00pm
退營時間 ： 9:30am – 11:30am
西園體驗活動
1. 羊圈飼養體驗
親自餵飼草料、親親羊寶寶！
可以同山羊影相，甚至有機會欣賞放羊嘅時候，羊群自由自走動。
開放時間 ： 10:30am – 13:45pm
每節人數 ： 30人或以下
每節收費 ： $10/每份飼料
2. 動感電動車
如果係一家人去，呢個活動就好適合小朋友玩喇！
電動車喺賽道上行走，小朋友要靠自己力量去完成任務。
注意事項 ： 適合年齡 3 – 5 歲小童於成人陪同下租用，有保護裝備及安全頭盔提供。
活動地點 ： 競技場
每節時間 ： 30分鐘
每節收費 ： $80
3. 趣脆雞蛋仔
玩到攰當然仲可以DIY炭火烤雞蛋仔，品嚐最正宗、最傳統嘅雞蛋仔風味
呢個活動大人、小朋友都可以一齊參與㗎！
開放時間 ： 10:15am – 11:45pm
活動地點 ： 農場草原
每節時間 ： 90 分鐘
每節收費 ： HK$ 180
長洲西園真係好多嘢玩，仲有商台比你買個人護理、防曬用品，生活雜貨，燒烤野餐用品等等，帶漏咗嘢都好方便就買得到，甚至淨係帶個人去已經可以添！
除咗以上介紹嘅活動，其實仲有好多，包括歷奇活動、手工藝等等
真係無論朋友定一家大細都好適合去，嚟緊假日快啲約埋朋友/家人一齊去輕鬆下啦！
長洲西園網站 ： https://www.saiyuen.com/zh-hk
預訂熱線 ： +852 2981 1010
