佬假期 LoHoliday

愈來愈多人鍾意食素，不論是素食者還是間中想調理一下腸胃的你，中上環都有不同的素食餐廳選擇，日日食都怕悶。 寶彩軒 Veggies Sky 午餐有六款中式素菜，每人可揀三款，重覆揀同一款都得，配糙米飯或特色粥，仲有日日新鮮燉的靚湯，好滋潤！ 素菜多以蒸煮方式烹調，少鹽少油，吃得好舒服。如果不夠飯仲可以添架！ 地址：上環德輔道中279號豐和商業大廈2樓（港鐵上環站 B 出口，上地面轉右，5分鐘左右就能到達） VeggieSF 餐廳以50年代懷舊三藩市作主題，復古的裝修佈置，氣氛獨特，不論是忙裡偷閒食個健康素菜午餐還是與朋友相聚的歡樂晚餐都非常適合。如果想同素食者的朋友慶祝生日，呢度都是一個很好的選擇，保證你的朋友會喜出望外。 小編最愛素漢堡，亦都是餐廳的招牌之一！中間個片烤大菇好多汁，加埋酸酸甜甜的菠蘿，好吃到停不了。 地址：中環士丹利街11號10樓全層（港鐵中環站 D2 出口, 步行約3分鐘） 福祿壽健康素食 Fook Luk Sau Vegetarian Restaurant 呢間係人氣素菜館，成日都有長長人龍等位和等外賣，以平靚正見稱，餐單每天轉換。 大胃王一定要試下係十三款餸入面揀三款，但任飲湯和任添飯／炒麵，保證你食得夠飽都只不過是三十幾蚊。 地址：中環鐵行里8號地下（港鐵香港站 C 出口，步行約4分鐘）

來到大阪，雜貨迷當然要尋一尋寶。百年老舖中川政七創立於奈良，以手工麻織品起家。近年致力於推廣日本工藝，引進了不少日本職人的商品以傳達傳統的美好和宣揚本土產品。想買地道的日本手信給親朋好友？大阪超市、藥妝店又怎會只滿足到你的要求，不如來中川政七逛逛吧！保證你會有驚喜喔！   由日本光浦釀造工業株式會社推出的漂浮心型檸檬紅茶被喻為必買手信之一。天然有機，入口清新而不帶檸檬的苦澀味，絕對是送禮自用皆宜之選。 另一招牌是回購率高的蚊帳家事布，款式多，設計具美感，而且材質優秀耐用、不易殘留異味，吸水性也很好，能迅速晾乾，很多人都說用過中川政七的抹布後再用不到其他布巾了。 特別推薦濃濃日本味道的富士山家事布，讓你做家事上更添樂趣！送給家人朋友都是超窩心之選呀。 地點：大阪梅田車站附近的LUCUA有兩間中川政七的專櫃（一個是二樓的日本市，一個是八樓的遊中川） Instagram: https://www.instagram.com/nakagawamasa7 Facebook: https://m.facebook.com/nakagawa.masashichi

清水寺穿和服、奈良餵鹿都似乎是遊關西的必備行程，相較之下，宇治沒有那麼多遊客蜂湧而至，實屬遠離塵囂之選，非常適合逛一日呢。 抹茶的故鄉宇治與京都距離近，由京都乘搭京阪電鐵約30分鐘便能到達宇治站。小編從大阪出發，搭乘京阪電鐵京阪本線至「中書島站」，接著搭京阪電鐵宇治線到宇治站，約需1小時。 車站不大但水泥設計極具工業風。 中村滕吉本店朝聖 相信大家對中村滕吉不會感到陌生，來到抹茶的故鄉宇治，當然要來老字號嚐盡抹茶甜點、麵食！現場人頭湧湧，但大家都很耐心的等候入座。   最美的Starbucks（平等院店） 濃濃的日本風味，結合傳統建築美學，落地玻璃外是日本小庭園，綠意盎然。 宇治上神社 日本最古老神社宇治上神社，沒有清水寺的人山人海，反而更能感受樸實神聖的氛圍。神社離宇治JR站也不過8分路的路程。

早起身去到太子旺角又唔知道有咩好食？早餐咁重要就一定要食好啲啦！小編精選三間常去的冰室，都係人氣旺既排隊之選，會唔會都喺你的心水之一？ 1）如果想食沙嗲牛麵 - 紅茶冰室 每次經過呢間冰室，都會發現人頭湧湧，搭檯是必然的。早餐選擇多，小編大愛招牌沙嗲牛肉麵餐，沙嗲味超濃郁，牛肉入口軟腍，出前一丁麵又夠彈性，跟餐送的丹麥多士仲勁重牛油香氣！真喺好想食多件呀。 好多食客都讚呢度既午餐晚餐好有驚喜，小編下次會嚟試吓。 地址：旺角通菜街186號地鋪 （港鐵太子站B2出口，步行約3分鐘） 2）如果想食靚炒蛋 -  華星冰室 經常都見到華星冰室外有條長長人龍，遊客固然有但本地人都不少。早餐選擇不多，小編最常食既喺簡簡單單的火腿通粉跟牛油多士、炒蛋。 忌廉湯底夠香濃，多士好脆口，最出色的當然喺又嫩又滑的炒蛋，再飲埋杯甘香的熱奶茶，好醒神！ 地址：旺角西洋菜南街107號地下 （港鐵旺角B2出口，步行約三分鐘） 3）如果想食豬潤通 -  民華餐廳 好多人都讚呢度既蕃茄湯底香濃，所以茄牛通喺大熱之選，不過小編鍾情於呢度既薑絲豬潤通粉，貪佢清清地但薑味好夠，冬天起身無咩胃口又作感冒，食返碗薑絲豬潤通就成個人暖笠笠。 地址：旺角通菜街153-159號地鋪 （旺角B2出口，步行約三分鐘） 以上三間鋪頭早上7點就開始營業，唔使擔心早起身搵唔到靚早餐食。

每年十一月都係日本既紅葉時期，吸引好多人去觀賞紅葉！東京一帶都有很多「紅葉名所」,今次為大家介紹了五個簡單易去嘅有名紅葉景點，方便大家安排行程！ 代代木公園 位於東京的潮流集中點，由原宿站出發行三分鐘就能到達！它是日本人心目中的王道紅葉景點，也是各地的旅客的打卡點！園內有大約六種樹木，由銀杏到紅葉，讓大家可以欣賞到有層次的秋天色彩。 交通貼士 山手線，又名JY Line（JR的Yamanote山手線） 新宿御苑 電影《言葉之庭》男女主角初次邂逅的地方，到了十一月就變成一個著名的賞紅葉景點。新宿御苑不但是賞紅葉勝地，賞櫻亦是一流！（＊需200日元入埸費） 交通貼士 在新宿車站出行十分鐘就能夠到達新宿御苑。只要乘搭東京地下鐵「丸ノ内線」，坐個15分鐘就能到達極之接近的新宿御苑前車站！ 六義園 由德川五代將軍的下人在花了七年時間所打造的大名庭園，充滿江戶時期的氣息。在六義園的晚上亦可以欣賞紅葉，亮著燈看紅葉又有另一番風味。（＊需300日元入埸費） 交通貼士 東京出發的話不用轉車就能夠直達。，在山手線附近的車站出發的話，只需搭山手線到駒込站再走個幾分鐘就會到達六義園。 国営昭和記念公園 日本人最愛的影相打卡呃like熱點，唔識影相都可以好容易影到靚相！ 交通貼士 從東京站出發的話坐ＪＲ中央線大約40分鐘不用轉車，到西立川／立川站！假如您不在中央線的話，坐JR 山手線到東京或新宿，轉中央線就可以。 先一直直走走到「あけぼの口」，再慢慢行到国営昭和記念公園。 長瀞 一個比較少遊客到的自然景點。可以在晚上欣賞由燈光照亮的紅葉盛景，又可以上山看雲海，更可以坐和舟在川流裡慢慢感受邊看紅葉邊看夕陽。 交通貼士 先到池袋西武東口的旅客服務中心購買西武鐵道的1500日元的「Seibu one day pass + Nagatoro」，可以考慮額外加700日元乘搭特急電車：有指定席、內置廁所、不用轉車（可以直達西武秩父，再利用秩父鐵記直達長瀞），比普通急行快三十分鐘！

新手去到東京地下鐵都知道，地下鐵圖係可以嚇死寶寶！見到密密麻麻、錯綜複雜的線路，很多人會站在購票機的線路圖「參拜」半日都無從入手。今次介紹的是由東京地下鐵和都營地下鐵聯合推出的「Tokyo Subway Ticket」，一張飛就可以玩轉地下鐵公司的線路！除了價錢特惠，以後坐地鐵就唔洗驚買錯飛，連購飛的時間也能省回。 東京地下鐵和都營地下鐵兩間公司旗下合共13條線路，幾乎所有東京都內的地方如新宿、池袋、淺草等等都能到達。 特別留意：PASS並不包括JR線及其他私營鐵路線。 價格： Tokyo Subway 24-hour Ticket　大人：800日元、兒童：400日元 於車票背面記載的有效期限內，從開始使用時間起計24小時以內有效 Tokyo Subway 48-hour Ticket　大人：1,200日元、兒童：600日元 於車票背面記載的有效期限內，從開始使用時間起計48小時以內有效 Tokyo Subway 72-hour Ticket　大人：1,500日元、兒童：750日元 於車票背面記載的有效期限內，從開始使用時間起計72小時以內有效 ＊例如你在12月1 日下午5 時買了24-hour Ticket，到期時間就係12月2日的下午5時，不會以當日尾班車作為完結。 機場購買地點： 羽田機場（國際線觀光情報中心） 成田機場  (京成巴士售票櫃台) 國內購買地點參考網址： https://www.tokyometro.jp/tcn/ticket/value/travel/index.html 比較：在東京乘搭一趟地鐵，最低票價為170日圓，以72-hour Ticket為例，基本上一日用這張PASS乘搭3次地鐵（510日圓）就可以回本。這張PASS實在非常適合初次到東京的初心者使用，價格低廉又可以玩盡都心。 此外，不少沿途景點都會不定期推出合作優惠，只要手持這張PASS，就可以享有優惠。例如入場費折扣等等，基本上用得著的地方有很多，實在非常實用。 優惠期由2017年10月1 日到2018年3月31日

【使用教學】10月1日起WeChat Pay HK香港版微信錢包都可以直接喺中國大陸度用啦！   而家內地嘅微信支付錢包超方便，只要上到網，用手機一掃就可以比到錢。 無論食飯買野比錢個金額好大或者好細，都一樣方便。 不過扣下扣下好快就無曬，而個內地銀行戶口又唔係成日都有錢過落去微信個錢包度，唔通我次次都要返上去銀行入錢，再過落去微信錢包先用到？（其實我真係有好幾次係咁了） 後來呢個情況經當地人推介後發現有一個快捷方法。原來唔需要次次都北上入錢，只需要喺香港任何一間找換店，叫佢地過數去指定銀行戶口（即係你搏好左微信支付錢包果個戶口），咁大概30分鐘內就可以見到有錢到了。 做法： 1）去街頭隨意一間找換店 - 例如 許氏兄弟 2）同佢地講想入錢去邊個大陸戶口度： 3）之後好快就會喺個手機App度見到D錢了 以後入錢就唔使特登返大陸一轉啦。  

最近因為有直航，花蓮成為一個新興的旅遊點。 到底喺花蓮有咩一定係必食？等佬假期今次就黎一個精華啦： 頭4個係搭HKEXPRESS時睇介紹見到既，後6個就係當地人介紹的： 1）菠蘿包刨冰 - 五霸焦糖包心粉圓 花蓮市博愛街165號 2）老牌炸彈蔥油餅 - 復興街110巷2號 復興街有兩間人氣炸彈蔥油餅店，兩間都係大排長龍，賣完就無。 當地人都讚真係超好味   3）新派創意口味 - 官財板：蔣家花蓮創意官財板 呢日間喺夜市就會見到，可以揀唔同味道，有得堂食或拎走。 堂食仲有濃湯同埋紅茶。 個官財板其實係由方包加左蛋漿而炸成，有點似香港食開的西多直，切開佢加上唔同料，幾得意： 4）向日葵手工粉圓 - 人氣手搖茶店 手搖茶一向都係台灣人最愛，花蓮都有一間好出名，佢地用上全手工製造，味道一流：   除左呢4個之外，繼續數5-10： 5）宜香花蓮扁食店 扁食係福建美食，花蓮因為有唔少福建人所以都有扁食。扁食有D似的地平時食開既雲吞，但比較細粒D。扁食店喺花蓮火車站附近就會見到，而比較出名就有呢一間，喺最熱鬧既中正路： 6）虱目魚湯 台灣因為靠海，而虱目魚就係呢區水域最豐富既魚類，所以虱目魚就成為台灣地道美食喇。 花蓮新站虱目魚地址 : 花蓮市國聯三路6-1號 (花蓮火車站前站附近) 花蓮新站虱目魚電話 : 03-8357816 營業時間：下午17:00~01:00 7）王記茶舖 以中式復古風為主題嘅王記茶舖，將東方人文同埋傳統茶藝結合，加上超有中國風的裝修環境，喺呢度叫杯皇牌珍珠奶茶，好好享受花蓮的慢生活，傾下計睇下書真係一流。 花蓮的王記茶舖有兩間分店： 一間係王記茶舖人文茶堂-中山店 另一間係王記茶舖人文茶堂-明心店 8）花蓮著名水果 - 芭樂 喺夜市就會見到，當地出產，好新鮮好好味，一定要試下！ 9）三星蔥餅 除左炸彈蔥油餅外，有另一款蔥油餅都好好食 就係三星蔥餅，花蓮同宜蘭都算近，宜蘭三星最出名嘅三星蔥，黎到呢度就由配角變成主角。因為食落口好香好甜，味道唔強烈，夾喺餅入面再煎香，口感一流 花蓮夜市都有好多 最後就係烤肉串： 夜市又會見到好多，除左網上有人講呢間之外，有一間有猛男燒的，都好多人食下：

香港去台灣只是一個多小時的航程，星期五晚下班就可以馬上出發來一個輕旅行！而近年因為交通方便，由台北去宜蘭只是一個小時之內，因此宜蘭成為了台北的後花園，亦即係香港人的後花園啦。 去宜蘭有咩最出名？當然係宜蘭礁溪既溫泉，而當中就有一間超有日式風既溫泉民宿整之出名，聽說要Book都好難。到或係Book左機票先家係Book左大漁日和先？真係一大難題。 講返大漁日和，佢係一間擁有高好評的美食溫泉民宿，提供一泊二食體驗，即係入去住一晚，包晚餐和第二日的早餐。民宿外表看來像一間普通的小村屋，但一入到去就見到木系裝橫，充滿和式感覺。 門口入面是公共空間和廚房，還有影碟及書可以免費借閱，二三樓則為房間，滿滿日式風情，光潔舒服。每一間房間都有檜木溫泉池，想享受高私隱度的溫泉風呂最適合不過。 喜歡泡溫泉的人不妨「三泡」以放鬆身心。 三泡： 1.入住後，晚餐前 2.晚餐後，臨睡前 3.翌日早餐前 晚餐則是當地新鮮食材而製，全部都好精美新鮮，睇相都不得了。晚餐套餐包括前菜、魚生、烤魚、鍋物、湯和甜點，早餐則有數款自製的醬菜、青菜、烤魚、三星蔥蛋，配以白粥。   去宜蘭住呢一間大漁日和，絕對唔需要再出去了。再加上親切有禮既民宿主人和員工都是令人想一來再來的原因。

黎到花蓮除左當地著名景點之外，假如得半日或者幾個鐘頭就要回程返香港，其實市內都有地方好去。 以中式復古風為主題嘅王記茶舖，將東方人文同埋傳統茶藝結合，加上超有中國風的裝修環境，喺呢度叫杯皇牌珍珠奶茶，好好享受花蓮的慢生活，傾下計睇下書真係一流。 花蓮的王記茶舖有兩間分店： 一間係王記茶舖人文茶堂-中山店 另一間係王記茶舖人文茶堂-明心店 同樣都係好有復古風，有水池： 而我就係去左食早餐既 由9點就開店，一路到11點關門。 早餐有中式同西式，全部都好健康養生Feel： http://www.wangs.com.tw/