【電子錢包著數篇】3個步驟教你在香港開始使用支付寶Alipay HK 定期都有優惠拎

早前就花左好幾篇心機寫微信支付,相信大家都有齊曬大陸版微信同香港版wechat hk,呢期手機支付大戰一浪接一浪,又到馬雲集團為首的支付寶HK都展開大型宣傳,有唔少優惠出場。 為左準備又拎埋佢D派錢優惠,又係時候下載定同埋做好前期Settings,等到一有優惠就齊齊去拎! 又係前期介紹一下,其實點解會有「支付寶HK」多左個HK出黎,又係因為大陸同香港有外匯管制,兩邊錢係唔通,大陸支付寶還大陸支付寶,香港版支付實返到大陸又用唔到。馬雲想吸埋香港客就力推,整多左個支付寶hk出黎。   支付寶hk點樣用? 1)先去App Store下載,如果你本身有淘寶戶口就可以用返淘寶戶口黎登入。而新用戶就可以用電話重新註冊。 2)設定付款方式 一係就用信用卡,入返你平時用開的信用誨,一係就用餘額,去便利店時Show個QR Code就可以充值再用。 3)買野比錢時,去到當面付果頁,比個QR CODE店員就可以用到了。   2018年4月份 支付寶hk優惠: 第一次用支付寶hk送$20 2.新用戶有$30

【深圳去邊好】福田極大新商場 有齊各大連鎖店鋪|深業上城

港人放假日便上深圳玩係個大趨勢,上到深圳飲喜茶、食海底撈係基本啦!其實深圳商場都幾好行,除咗個個都識嘅金光華廣場,可以去吓最近福田附近新開一個極大型商場--深業上城,各大連鎖店鋪都陸續進駐深業上城,如GAP、UNIQLO、ZARA、NIKE等。暫時只有十零間鋪營業,但每間鋪頭面積都好大,而且人流唔多,可以行到一段時間,絕對係避人流嘅不二之選。 上年新開嘅MUJI Hotel同時位於深業上城,商場2018年1月先開幕,雖然暫時唔太多商鋪,但去打打卡,飲喜茶、再行行無印良品旗艦店都唔錯㗎! 商場頂層裝修幾有藝術氣息,打卡一流。   地址:中國深圳市福田區皇崗路與筍崗西路交匯處西北側 前往方法:如乘搭港鐵,可到落馬洲站,過關後再乘搭鐵路到蓮花村站大約是步行起15-20分鐘,或可選擇搭的士。 圖片來源:網上

女教師拍YouTube片講解中文範文 新派手法研讀柳宗元《始得西山宴遊記》

每個學生最痛恨既文言文,的確係好難背好難記。 有熱心教學嘅香港女教師Miss Poon,為左令學生可以更易理解同吸收,仲親自拍片開左YouTube Channel等同學們可以用5分鐘時間講完一篇範文。 而當中就發現柳宗元《始得西山宴遊記》一條片幾值得一齊睇。 片中Miss Poon以一身清涼運動裝上陣,去講解《》,加左唔少現今潮語,好似KOL、山系、Metoo等等,都的確係幾生動同易明既: 唔知點解會識背幾句,再加多篇原文嚇一嚇大家: 自余為僇人,居是州,恆惴慄。其隟也,則施施而行,漫漫而遊。日與其徒上高山,入深林,窮迴溪,幽泉怪石,無遠不到。到則披草而坐,傾壺而醉。醉則更相枕以臥,臥而夢。意有所極,夢亦同趣。覺而起,起而歸。以為凡是州之山水有異態者,皆我有也,而未始知西山之怪特。 今年九月二十八日,因坐法華西亭,望西山,始指異之。遂命僕過湘江,緣染溪,斫榛莽,焚茅茷,窮山之高而止。攀援而登,箕踞而遨,則凡數州之土壤,皆在衽席之下。 其高下之勢,岈然窪然,若垤若穴,尺寸千里,攢蹙累積,莫得遁隱。縈青繚白,外與天際,四望如一。然後知是山之特出,不與培塿為類,悠悠乎與顥氣俱,而莫得其涯;洋洋乎與造物者遊,而不知其所窮。 引觴滿酌,頹然就醉,不知日之入。蒼然暮色,自遠而至,至無所見,而猶不欲歸。心凝形釋,與萬化冥合。然後知吾向之未始遊,遊於是乎始,故為之文以志。 是歲元和四年也。 片呢度: https://www.youtube.com/watch?v=PyKM-vts9TI 仲有幾段片: Miss Poon咁有心機,做佢學生一定好開心。

【香港玩樂】周末好去處 新界士多啤梨園即摘即食 集合本地士多啤梨園

每逢假日,街上定必人頭湧湧,商場如是,街頭亦如是。如果想過一個不同的周末,可以選擇到本地農莊逛逛,採摘不同的新鮮蔬果,順道遠離繁囂的生活。每年12月至往後一年的4月都是士多啤梨當造期。香港有不少本地農莊亦盛產士多啤梨,日本品種居多,收費大部分都已摘到的磅數來計算。大家可以抓著當造時期的尾巴,支持本地農莊,同時又可以採摘士多啤梨或其他有機蔬菜。 上水/粉嶺 1| 觀光有機士多啤梨園  觀光有機士多啤梨園位於粉嶺,分別有五個日本品種的士多啤梨,分別是紅顏、妙香、艷麗、桃薰(白帶紅)及甜查理,以及台灣蜜絲青棗,不設最低消費,每磅$120。園內亦有士多啤梨果醬製作班,大人小朋友可將新鮮的士多啤梨,煮出美味果醬,玩完亦可購買多款新鮮蔬菜。 觀光有機士多啤梨園 地址:新界粉嶺打鼓嶺李屋新村坪輋泥路 入場:免費(不設最低消費) 交通:有2種種方法:粉嶺站C出口 轉往坪輋的52K專線小巴在總站下車我 或 上水站 A4出口轉往打鼓嶺79K巴士在李屋村站下車。 網址:http://www.yl.hk/sbg/ 2|老徐農莊士多啤梨園 老徐農莊內有3種士多啤梨供採摘,分別是法國、美國及日本,同樣是按磅收費,而且不設最低消費,分別是$60、$80和$100/磅。此外,園內同樣開辦了士多啤梨果醬班,不過需要20人以上才會開班,每位$80,所以約你的朋友們一起親親大自然再自家製果醬。 老徐農莊 地址:粉嶺打鼓嶺升平村(雲泉仙館側) 電話:9168 8931、6774 8037 入場費:免費 交通:粉嶺鐵路站乘52K專線小巴,到打鼓嶺升平村明愛中心落車,步行2分鐘。 網址:http://www.yl.hk/tksb/ 元朗 3|朗屏士多啤梨葡萄園 這個士多啤梨葡萄園,佔地約20萬呎,有多款在種日本士多啤梨,包括:靜岡縣的章姬、佐賀的清香、熊本縣的紅臉頰、奈良懸的紅寶石及福岡縣及博多甘王。同樣是按磅收費,$80/磅,免收入場費,而其Facebook專頁更更新了該園的士多啤梨可摘到5月初,有興趣的朋友可以留意專頁。 朗屏士多啤梨葡萄園 地址:元朗大棠路大棠村球埸 入場費:免費 交通:朗屏西鐵站轉K66巴士大棠站下車 或 於元朗千色廣場停車場路口對面往大棠小巴,於大棠村落車 網址:https://www.facebook.com/%E6%9C%97%E5%B1%8F%E5%A3%AB%E5%A4%9A%E5%95%A4%E6%A2%A8%E8%91%A1%E8%90%84%E5%9C%92-1967310006846964/ 3|大棠有機生態園 大棠有機生態園前身是為人熟悉的大棠荔枝山莊。而這園有別於其他農莊,每人付$120便可在場內任摘任食,沒有時間限制,不過入場者只可以進入士多啤梨園一次。除採摘士多啤梨外,亦可以試試採摘菠蘿等。如想參加其他活動,如騎馬、燒烤等,可以另購買其他套票。 大棠有機生態園 地址:錦上路謝屋村 入場費:$120/人 交通:西鐵錦上路站C出口,轉乘去雷公田的72專線小巴,曾屋村公廁下車,沿抽水站旁小徑步行3-5分鐘 或 西鐵錦上路站C出口,轉乘往大埔墟方向的64K九巴,杜屋村下車,沿抽水站旁小徑步行3-5分鐘 網址:http://www.yl.hk/taitong/   部分圖片由網上提供

【大阪環球影城攻略 】出發前必看懶人包 USJ交通篇

到大阪旅遊,行程中有一日到環球影城是基本吧!出發前就應該要先調整心態,要先預計當天需要快和不斷排隊。進園後就更加分秒必爭,因此應先好好計劃路線,把握時間。但大阪交通凌亂,有多條線任君選擇,但每次見到當地的地鐵圖時都看到頭都大,所以應該如何前往環球影城? 大家可以參照以上路線,主要都是乘搭JR。環球影城位在大阪JR ゆめ咲線的ユニバーサルシティ (環球城站) ,搭大阪JR環狀線到西九条換車,第二站就是環球影城。 人人到USJ都想早點到排隊再準備入場,雖然有預計乘車時間,但記得另再預計買車票時間。因為日本買車票過程需時,而且多人排隊。 另外建議進園前先購買回程車票,因為回程時的買票隊會更長呀!

【深圳美食】海底撈以外 另一間高質特色麻辣火鍋 蜀大俠

說到深圳麻辣火鍋的一哥定必是海底撈,海底撈的業務甚至擴展到香港。但無論內地抑或香港,都是極多人排隊,假期到海底撈等位等這2-3個小時亦不誇張。話雖如此,亦有不少人選擇到深圳吃海底撈,畢竟價錢比香港便宜,但其實賣單時都接近200人仔。 今次就想介紹蜀大俠,同樣是麻辣火鍋,而且價錢還比海底撈便宜,而且份量比較多。蜀大俠店鋪裝潢比較古色古香,大部分菜式外觀都比較有霸氣,配合點鋪名。 剛坐下便可享用一杯充滿花香的茶。 在內地有二百多間分店,意大利都有。招牌牛油麻辣湯底,用上豬骨及牛骨熬製,香濃。而且加入花椒等十多種配料,辣勁十足。餐牌叫做「大俠秘笈」,鍋底有三種選擇,紅白鴛鴦、番茄鴛鴦還有牛油紅鍋。今次就試了番茄鴛鴦。 冰川鵝腸 他們將鵝腸放進冰球,以確保新鮮,而且清理的很乾凈,沒有任何異味,但分量較少。 牛肚 蜀大俠比海底撈較少人排隊,若手機安裝了大眾點評網會更佳,因為可以通過大眾點評網app訂座,而且可以清楚看到預計等候時間,好讓你周圍逛逛,再預計時間入座。 較近的地方有東門分店及福華分店。 其實香港亦有間蜀大俠,但價錢相對地亦較昂貴。雖然香港分店不像海底撈般開24小時,不過地理位置就方便得多,不妨可以試試! 地址:銅鑼灣軒尼詩道525號澳門逸園中心2樓 訂座電話:29868919

深圳串燒木屋燒烤 完全唔使睇價錢 狂點食到飽都唔使$100人仔

今日繼續講講深圳美食,除左海底撈同喜茶之外,就一定要試埋超抵食串燒! 佬假期食野好講風味,有時味道唔一定係首要,講價錢同氣氛都好重要,如果有一間餐廳有10幾年歷史夠口啤,環境又夠大,加上價錢平,基本上幾條佬去到都唔使睇價錢,任你點叫都好,人均$100都飽到行唔到,$150就更加食豪食仲飲埋酒。 就係呢間木屋燒烤喇! 講真,喺香港150蚊食幾串牛,一隻茄子再一枝啤都無左啦。 唔好同我客氣,任叫: 地址同點去? 深圳有好多間: 我地佬假期就最常去香蜜湖呢間: 地址:深圳市福田区深南大道6068号木屋烧烤(香蜜湖古堡分店)木屋烧烤(香蜜湖店) 电话:0755-83051942 More: 【深圳一日遊】嚴選深圳三個最豪華按摩大場!(2018更新) 【深圳一日遊】深圳喜茶點去? 有齊地址列表同交通方法 【深圳一日遊】實地試飲人氣網紅飲品喜茶!芝士奶蓋最好飲 【深圳按摩 2018】最常去嘅規模大場皇室假期 大堂單鐘按腳只係$79起 【深圳過夜】打完邊爐玩夜左要搵地方過夜 嚴選3個平價過夜好去處!

[教學] 人在大陸發現唔見回鄉證同身份證點算? 羅湖關口補領方法詳情

唔知大家有無適過發或發生過,返到大陸先黎唔見身份證或者回鄉證? 無論點都好,出門都係要小心D好。 萬一你個人係比較大頭蝦,成日唔見野,建議出門或者你北上前就應用電話影低所有證件+EMAIL 留底,方便真係唔見既時候可以對返資料。 又或者預先將身份證同回鄉證影印,比多一份Copy由同行人士Keep住,就算出事都好,都仲有後備方法。 如果上大陸玩既時候真係唔見左回鄉證可以點做? 有兩個情況: 1)如果喺廣東省外地方唔見,咁就唔好去到派出所報案。因為就算你報左案都唔會搵得返。另外就距離香港太遠,好難會幫手的。因此外省地區唔見就盡快返返來羅湖關口,但由於好多時搭火車都要用到回鄉證,唯一穿洲過省又唔使出回鄉證就係搭大巴。2)如果廣東省以內的話,就方便啲,去返羅湖就得。 深圳羅湖聯檢大樓七樓有個派出所,入到去大約花十分鐘完成報案記錄。到時無論點都一定要話係深圳市內不見,如果唔係佢地唔會跨區處理。呢個時候會要求你提供有相既證件証明身分,咁個影印本就相當有用。 有左報案紙後,去深圳火車站連廊2樓C4舖(深圳火車站與羅湖口岸大樓之間)中國旅行社辦理臨時出境手續。辦公時間: 0830-2130(節假日照常辦公)辦證費人民幣230元,上午辦理,下午可出境 ;下午辦理,翌日可出境。 最後返到香港就相對容易處理。搵入境處的報案室,填好表,影相,等大約一個小時左右,便可入境。 希望大家都出入平安。

智能盆栽Click and Grow 完全不用打理 懶人都可以喺屋企種香草!

近期芫茜熱潮持續,度度都見到芫茜味零食同飲品。好鍾意芫茜既你,又有無諗過芫茜都可以喺屋企種到? 只要有一個Click and Grow「智能花圃」,就可以完全唔花心機之下都種得到芫茜啦! 自己芫茜自己種!喺屋企就種到,即食即摘,超級新鮮: 配埋近期大熱既Kiki面,一流: 可以喺屋企都種到芫茜,其真就係靠呢個來自愛沙尼亞的品牌 Click and Grow的Smart Farm。愛沙尼亞位於歐洲少少北邊,由於一年有一半時間都係天黑,當地人就發明左個Smart Farm,利用精準計算來種植物,平時要30日生長的話,因為有好準的照明燈、特別做的混同埋自動加水,靠Click and Grow就可以20日就生長完,完全唔花心機,0煩惱就種到 Click and grow 係咁的: 除左芫茜之外,種其野野都得。 芫茜功效: 1. 抗氧化 芫茜葉含有抗氧化素-花青素,能助身體對抗自由基,修護細胞預防老化。 2. 提高身體凝血能力 芫茜其含有的維他命K,能讓提高傷口癒合力,避免流血過多。 3. 有助保持皮膚健康 芫茜裏有維他命A,半杯新鮮芫茜葉的維他命A,可提供我們全日所需約20%。 4. 提供鐵質和維生素C 芫茜籽(種子) 也是常用香料,提供豐富的鐵質和維他命C,有助製造紅血球。 Smart Garden透過內置感應器自行為家居植物提供足夠水份及光線,用家只需定期於儲水池內加水, 省去每天打理植物的工序。 Smart Garden 已附上 Basil (羅勒葉)種子膠囊,植物膠囊無添加農藥及植物激素,可以放心烹調進食。 除內附的...

北上必備手機錢包App:兩大龍頭支付寶 微信支付 一定要有!

【使用教學】10月1日起WeChat Pay HK香港版微信錢包都可以直接喺中國大陸度用啦! 準備北上深圳玩,一定要做足準備! 內地手機支付相對成熟,而家去便利店買枝$2水都用手機比機,而手機比錢之中,大部分人買野都會用兩大龍頭手機支付APP:阿里巴巴系列的支付寶同埋騰信既微信入面的微信支付! 返大陸就睇下你去開邊頭,深圳地區的話就主要為深圳做基地既微信支付(其實兩邊App都得),但佬小編最近去左轉上海,以蘇杭起家既阿里巴巴,當地食小籠包既餐廳竟然只收支付寶而沒支援微信支付(開埋名係上海黃河路間佳家湯包)。有見及此,所以都係開定曬兩個支付App比較好 先講微信支付: 有微信就得,我的設定,錢包,右上角設定,切換錢包地區就有: 但原來唔少新微信用戶,打開個人錢包果度,無論點搵都係無左個切換錢包,今篇就講一講個概念同埋到底點樣解決呢個情況。 基本概念: 由於內地同香港嘅銀行唔可以直接有連埋,所以成個生態係斷開左。內地版微信錢包還內地版,香港版還香港版。假如有大陸朋友比紅包你而收到錢,係只可以喺大陸用,而過唔到錢黎香港呢邊的,相反一樣。 解決方法: 你要先從朋友或者微信官方收到最少$1,從而開通中國錢包 但要收呢一蚊,又要先實名認證 即係話香港人要上深圳開一個銀行戶口,再連埋微訊支付銀包 好處:充值再入錢,慢一出事都有個限額 壞處:唔方便,要北上搞一次 (甚至行幾轉) 【實用教學】香港人點樣開通微信支付內地錢包? 三個步驟其實好簡單 到支付寶: 香港人點樣大陸版支付寶?解決方法-實名認證: 開通大陸版支付寶,需要實名認證,流程為: 下載支付寶手機APP 打開餘額地方會發現需要補充身分信息 補充身分信息就是實名認證,當然也可以用銀行卡或大陸身分證認證 留意香港人必需用掃臉驗證才能以港澳居民來往內地通行証作認證。 就算開左大陸版支付寶,但入錢方面就好煩,比教好的方法係預備埋大陸銀行戶口,咁就可以真正搏通到。 【實用教學】香港人想開通大陸支付寶電子錢包 過到實名認證就得 【出發前預備】香港人返深圳開銀行戶口 所需要的4樣重要文件! 【多圖超實用】香港人返深圳開銀行戶口超簡單 – 無需內地地址證明就成功 【實用教學】香港人開內地實名認證手機號 – 用中移動每個月只係$28人仔仲有2GB上網流量