【多圖教學】香港人如何切換微信支付中國錢包? 超簡單兩步完成

由新年到而家,呢期手機用微信支付喺香港都開始普及,唔少人都開通左香港版wechat pay喺便利店超市同阿信屋等地方用過,但其實除左香港版之外,仲有內地版微信支付,如果喺內地使用微信支付就要換返個錢包地區,如果唔係就用唔到架喇。 先講一講個基本概念先: 由於內地同香港嘅銀行唔可以直接有連埋,所以成個生態係斷開左。內地版微信錢包還內地版,香港版還香港版。假如有大陸朋友比紅包你而收到錢,係只可以喺大陸用,而過唔到錢黎香港呢邊的,相反一樣。 如何切換錢包地區? 1)我的設定=》錢包 2)右上角設定=》切換錢包地區=》轉成中國或者香港     大家試唔試到? 【實用教學】香港人點樣開通微信支付內地錢包? 三個步驟其實好簡單 【2018更新】連信用卡就得 香港人唔使開大陸銀行戶口都用到微信支付內地錢包 【深圳地鐵教學】原來深圳地鐵App可直接連微信錢包 掃一掃就入閘唔使再排隊換銀仔!

【親身比較】用微信支付WeChat Pay到超市購物一掃就比到錢 快過碌信用卡好多

踏入2018年,微信支付趁新年期間大舉攻港,由地鐵/火車站開始就見到大量廣告鋪天蓋地式宣傳,到新年大派紅包,以真金大灑銀彈攻勢,從M記同超市入手,由市民日常生活開始入手,以令大家日日都用wechat pay成為層慣。 我地佬假期都其實用左微信支付一段時間,用落都的確係幾方便既,今次就一於寫一個記錄,比較一下到底用wechat pay同信用卡去一田買野,邊個會方便D? 火車地鐵度度都見得到既wechat pay 廣告: 新年優惠浪接浪,先有食M記派$10,連派15日,再進一步滲入生活會一個細節,買滿$68送$28,目標為本,令到大家每一日每一個生活細節都為左拎呢幾個優惠而試用wechat pay: 親身體驗:Wechat Pay VS 直接用信用卡 其實去一田超市買野,直接用信用卡買野,同埋用連接左信用卡既wechat pay,其實最終都係會扣你張信用卡,兩者既結果都一樣,但扣款方法就有所不同。 佬記者最近就於一田超市,分別用wechat pay同直接信用卡買野,試下到底邊樣方便D。 1)使用Wechat Pay有3個步驟,一掃即可 如果用wechat pay,我地都怕後面太多人會搞好耐而揀左個少人既時間。由排緊隊開始就拎定個手機出來,打開定wechat pay QR Code果頁等阿姐報數價錢,當一Ready就拎手機出來比佢掃,聽到必一聲就即係成功。 好快就收到個通知,連單都唔使拎,無紙化少左樣垃圾。 2)直接用信用卡最簡單,但插機等確認反而仲慢,仲要對單少少煩 信用卡大家就用得多,當阿姐埋好數時就比張卡佢去碌,有時就係插落部讀卡機度,要等幾秒,直到聽到聲彈D單出來先算成功,一段都要幾秒。 總結: 用Wechat Pay就要預先打開個手機去到微信QR Code果頁,多數一掃就比到錢,但信用卡就有機會要等耐少少,同埋仲要Keep多兩張單。

【深圳文青Cafe】由特式别墅改建而成的網紅精品咖啡店 走少女文青風紅爆網絡(蛇口南山IH Cafe)

返深圳玩唔一定成日都係按摩打邊爐,今次搵到一間好值得去嘅新開特色精品咖啡店,無論同女朋友定朋友去都好, 影相打卡都好一流。 【深圳文青必去】位於壹方城嘅「覔書店」可能係全深圳最靚嘅書店 IH CAFE (蛇口南山店) (風格:粉色少女風) 其實深圳好大,仲有好多地區地未去過,蛇口南山呢邊就好值得開發一下。一間由古别墅改建而成的精品咖啡店IH Cafe,最近紅爆網絡: 外表: 裝修: 食物: 地點: 地址:南山区蛇口工业一路(伍滋公寓后面) 电话:13480888041 营业时间:周一至周日 11:00-22:00 人均:45元-80元

【深圳按摩 2018】最常去嘅規模大場皇室假期 大堂單鐘按腳只係$79起

唔少香港人都鍾意北上返大陸玩下,食飯按摩咁,其實深圳都有好多間大場按摩,但我地佬小編就通常都係去開喺羅湖區嘅皇室假期。今次就集中講下原因啦。 【深圳按摩行程2019】週末北上深圳按摩過2日1夜鬆一鬆 免搭車唔使$500蚊 皇室假期地點: 佢位於羅湖區,國貿站可以行到過去。(有睇埋之前果幾篇微信開銀行都知我地成日都係去國貿) 好近金光華商場,又喺正向西村附近,晚少少都好熱鬧 特點: -香港人投資嘅大場,早兩年先全面翻新過 -區內具有規模嘅大場,就算人多都唔怕無位 -大堂設施多,水果選擇多又任食 -現場睇唔少都大家大細黎 -加上技師質素高 係唔少人嘅心水熱點 價錢: 下面影左個價錢牌 大堂就$78起 全身按摩就$200 小費另計的 人均消費就大概$400-500左右 https://www.youtube.com/watch?v=mxVON_pJwD4

【旺角素食自助餐】新派素食自助餐廳「無肉食」 $68起午市自助餐選擇多

出街食飯食得多,有時都想食得健康啲,減少罪惡感,間中食吓素就可以減輕腸胃負擔。 位於旺角洗衣街的新派素食自助餐「無肉食」位置一流,好易搵到,裝修簡約工業風。午市只喺68蚊,粥粉麵飯、冷盤小吃、熱菜、炸物甜品任君選擇,小編大愛涼拌木耳和青瓜,清爽又開胃,無味精湯更是一絕,當日是菜乾湯,適逢天氣又乾又凍,飲完勁滋潤呀!小編都幾鍾意食素但最怕食到扮肉的素刺身、素叉燒等等添加色素、增味劑的大豆產品。因為既然要食素就當然要食返素的原形啦! 熱菜的蔬菜配搭唔算好有驚喜,但勝在好啱香港人的胃口。炸物好出色,炸春卷、炸雲吞都喺必食之選。全素蛋糕同樣有驚喜,無落雞蛋仍然濕潤柔軟,甜度適中,食多幾件都唔怕。 餐廳採取自助服務,食完記得做埋餐具分類先好埋單走人呀。在場所見,座無虛席,大家無論是午市或晚市都要記得早啲訂位。 無肉食 Ahimsa Buffet 地址:旺角洗衣街88號2樓(近旺角中旅社) 電話:28892938 午市:11:30-15:30 晚市:18:00-22:00  

【2018更新】連信用卡就得 香港人唔使開大陸銀行戶口都用到微信支付內地錢包

https://www.youtube.com/watch?v=lB_oBXPT9ow&   呢一兩年返過大陸玩都知道,用手機微信支付已經成為大陸人日常生活一部份,佢地搭車買餸出街食飯做咩都可以手機QR Code過數,甚至去到一個地步就係如果你無用微信支付就變得好唔方便。 2017年下半年時,我地就搵到方法,香港人只要預早北上開定一個內地銀行戶口,再入錢落去連結微信支付,都可以一樣喺大陸用到微信支付個內地錢包。方法雖然有,但不過可能都有唔少人覺得麻煩。 直到2018年年頭,我地發現微信有一個重大更新,就係微信支付個內地錢包,都可以接受香港人平時用開的信用卡了!咁即係大家只要連左張卡,就可以喺大陸度扣到款用到微信支付了。   微信支付錢包基本概念: 由於內地同香港嘅銀行唔可以直接有連埋,所以成個生態係斷開左。內地版微信錢包還內地版,香港版還香港版。假如有大陸朋友比紅包你而收到錢,係只可以喺大陸用,而過唔到錢黎香港呢邊的,相反一樣。 如何切換微信支付錢包地區? 喺「我的設定」=>「錢包」=>右上角3點果個Menu就見到切換錢包地區 想喺大陸用微信支付的解決方法: 1)香港人上深圳開一個銀行戶口,再連埋微訊支付銀包 好處:充值再入錢,慢一出事都有個限額 壞處:唔方便,要北上搞一次 (甚至行幾轉) 2)將香港信用卡連結微信錢包 好處:方便,唔使北上開戶口 壞處:保安問題,比人狂碌卡就煩 更多資料: 【實用教學】香港人點樣開通微信支付內地錢包? 三個步驟其實好簡單 【多圖教學】香港人如何切換微信支付中國錢包? 超簡單兩步完成

【梅窩必食推介 】星期日才吃得到的秘製蕃茄蟹檬 順化辣雞檬

小編有個由細到大住長洲的朋友,佢成日都呻逢星期六日,長洲就會變得人山人海。無辦法啦,香港土地面積不大但人口就非常稠密,真係連想搵個遠離煩囂的地方hea吓都有難度。梅窩無長洲、南丫島咁多遊客,就算星期日嚟到都覺人煙稀少,空氣零舍清新。 其實放假唔一定要安排好多節目,去離島散下步、望下海,食碗超有滿足感的檬粉就已經舒壓不少。   津津食店是梅窩人氣食店之一,招牌蕃茄蟹檬得星期日供應,數量有限,賣完就無,大部份的梅窩居民都知道有幾好食。小店地方不大,經常爆棚,幸好有戶外露天座位,曬著陽光嘆返碗檬粉勁寫意。 蟹檬一上檯就香到不得了,大大件蟹肉,仲有啲用嚟煲湯底的豬肉,非常新鮮美味!而且大大份,絕不欺場,食完成個人超有滿足感。當日小編大概下午三點左右嚟到津津食店,大概半小時後就賣完了,所以建議大家早少少嚟。 另外,鍾意食辣的朋友可以挑戰一下越式順化辣雞檬,辣得嚟好過癮,小編仲叫咗杯咸檸梳打解解渴。由於食量有限無試到第三款蕃茄牛腩檬,聽聞蕃茄湯底一樣咁香濃,牛腩仲勁腍。宜家諗起呢三碗檬粉都想搭轉船入梅窩食呀。 備註:小店僅限星期日限定供應三款湯檬(蕃茄蟹檬、順化辣雞檬和蕃茄牛腩檬),唔好睇錯日子呀! 津津食店(地址:大嶼山鄉事會路35號地下)

【中上環素食】返工想食得健康 精選三間健康素食店 食素都可以好味道

愈來愈多人鍾意食素,不論是素食者還是間中想調理一下腸胃的你,中上環都有不同的素食餐廳選擇,日日食都怕悶。 寶彩軒 Veggies Sky 午餐有六款中式素菜,每人可揀三款,重覆揀同一款都得,配糙米飯或特色粥,仲有日日新鮮燉的靚湯,好滋潤! 素菜多以蒸煮方式烹調,少鹽少油,吃得好舒服。如果不夠飯仲可以添架! 地址:上環德輔道中279號豐和商業大廈2樓(港鐵上環站 B 出口,上地面轉右,5分鐘左右就能到達) VeggieSF 餐廳以50年代懷舊三藩市作主題,復古的裝修佈置,氣氛獨特,不論是忙裡偷閒食個健康素菜午餐還是與朋友相聚的歡樂晚餐都非常適合。如果想同素食者的朋友慶祝生日,呢度都是一個很好的選擇,保證你的朋友會喜出望外。 小編最愛素漢堡,亦都是餐廳的招牌之一!中間個片烤大菇好多汁,加埋酸酸甜甜的菠蘿,好吃到停不了。 地址:中環士丹利街11號10樓全層(港鐵中環站 D2 出口, 步行約3分鐘) 福祿壽健康素食 Fook Luk Sau Vegetarian Restaurant 呢間係人氣素菜館,成日都有長長人龍等位和等外賣,以平靚正見稱,餐單每天轉換。 大胃王一定要試下係十三款餸入面揀三款,但任飲湯和任添飯/炒麵,保證你食得夠飽都只不過是三十幾蚊。 地址:中環鐵行里8號地下(港鐵香港站 C 出口,步行約4分鐘)

【大阪雜貨店】雜貨迷必去 百年老店中川政七商店 精選手信「心型檸檬紅茶」

來到大阪,雜貨迷當然要尋一尋寶。百年老舖中川政七創立於奈良,以手工麻織品起家。近年致力於推廣日本工藝,引進了不少日本職人的商品以傳達傳統的美好和宣揚本土產品。想買地道的日本手信給親朋好友?大阪超市、藥妝店又怎會只滿足到你的要求,不如來中川政七逛逛吧!保證你會有驚喜喔!   由日本光浦釀造工業株式會社推出的漂浮心型檸檬紅茶被喻為必買手信之一。天然有機,入口清新而不帶檸檬的苦澀味,絕對是送禮自用皆宜之選。 另一招牌是回購率高的蚊帳家事布,款式多,設計具美感,而且材質優秀耐用、不易殘留異味,吸水性也很好,能迅速晾乾,很多人都說用過中川政七的抹布後再用不到其他布巾了。 特別推薦濃濃日本味道的富士山家事布,讓你做家事上更添樂趣!送給家人朋友都是超窩心之選呀。 地點:大阪梅田車站附近的LUCUA有兩間中川政七的專櫃(一個是二樓的日本市,一個是八樓的遊中川) Instagram: https://www.instagram.com/nakagawamasa7 Facebook: https://m.facebook.com/nakagawa.masashichi

【宇治半日遊】抹茶迷必去中村滕吉本店朝聖 遠離繁囂悠閒嘆茶

清水寺穿和服、奈良餵鹿都似乎是遊關西的必備行程,相較之下,宇治沒有那麼多遊客蜂湧而至,實屬遠離塵囂之選,非常適合逛一日呢。 抹茶的故鄉宇治與京都距離近,由京都乘搭京阪電鐵約30分鐘便能到達宇治站。小編從大阪出發,搭乘京阪電鐵京阪本線至「中書島站」,接著搭京阪電鐵宇治線到宇治站,約需1小時。 車站不大但水泥設計極具工業風。 中村滕吉本店朝聖 相信大家對中村滕吉不會感到陌生,來到抹茶的故鄉宇治,當然要來老字號嚐盡抹茶甜點、麵食!現場人頭湧湧,但大家都很耐心的等候入座。   最美的Starbucks(平等院店) 濃濃的日本風味,結合傳統建築美學,落地玻璃外是日本小庭園,綠意盎然。 宇治上神社 日本最古老神社宇治上神社,沒有清水寺的人山人海,反而更能感受樸實神聖的氛圍。神社離宇治JR站也不過8分路的路程。