Home 深圳玩樂 【深圳過夜】打完邊爐玩夜左要搵地方過夜 嚴選3個平價過夜好去處!

【深圳過夜】打完邊爐玩夜左要搵地方過夜 嚴選3個平價過夜好去處!

15443

以前放假就去長洲玩,而家香港人不時都會趁放假約埋朋友北上深圳半日遊。有時仲會星期五晚約齊三五知己過關食飯打邊爐,食完再一齊過晚夜星期六先返,今篇就來個集合,講一下如果人在深圳玩夜左,平平地都可以過夜。

實例情況:
佬小篇有一次就約左朋友仔們星期五晚齊齊北上,約左8點鐘羅湖集合,打算去食個邊爐。一大班人慢慢行再過關,去到餐廳等位食埋野再吹陣水其實已經12點。呢個時候有人就會選擇過關返香港,但其實平平地都有3個選擇架。

第一個過夜方法:深圳按摩場

 

香港人平常最常去,就係深圳既按摩場。點解?原因就係地方大,有電視睇有按摩有野食野飲,價錢就有平有貴睇你點玩啦。

如果真係想平平地搵個地方過夜,入去一啲大場,入到去只按大堂服務唔使上房,揀個按腳按兩個鐘,就可以過左最低消費$118,計埋貼士就比多$60蚊佢,應該$200人仔內就得。按完直接喺大堂D Sofa度訓,粗粗地係無咩問題既。

但你就要預定訓得未必好,同埋一個唔好彩,你隔離個大叔訓覺有鼻鼾你就PK了。

如果再講深入啲,有邊幾間場好?
有幾個重點:
1)你食完野喺咩地區
如果你地想行過去就可以揀近自己既
如果你點都係搭車,就無所謂吧

2)你係真心想按,定係粗粗地搵個地方過夜
真心想按的話,去啲大場按會好啲技師都外表好啲,但就預人多,真係未必有地方比你過夜喇。反而去啲中型場,又少人又好訓,按得都好係技師可能經驗豐富少少囉

3)你同咩類型朋友一齊(男?女?多唔多意見既?)
幾個男人就無所謂啦,有女仔就都係去返D大型場好,企理少少。
多意見既就無謂去中型場了

新手的話,佬小篇首選皇室假期,次選水立坊,尾選東方園。
其他就仲有咩678、黃金海岸、水景雲天、水雲間呢一類。

【深圳一日遊】嚴選深圳三個最豪華按摩大場!(2018更新)

 

第二個過夜方法: 一齊去唱通K

 

喺深圳就要唱下K體驗下,唔係唱仁K而係去錢櫃巧樂迪果啲唱K。
喺香港就係按人頭計時間咁計,但深圳好有趣係按房間Size加時間來收費,例如6個人,包一間中型房半夜12點開始計係$180人仔的話,6個人頭就係平均$30蚊。而當中仲有個地方可以比大家自行買酒水添。

呢個只係一個方法,由於唔係太常唱,下次再找詳細方法介紹吧。


 

第三個方法: 如家酒店 / 7日連鎖酒店 $140起

佬小篇試過,平平地真係想訓覺,唔好搞咁多按摩同唱K。就搵左間如家酒店入去訓,門口寫$160,手機入埋會再Book可以最平$118。入到去細細間,都有毛巾算企理。

男人老狗有咩怕?其實都唔錯。