有睇開佬假期早前幾篇文都知，我地香港人既wechat pay係同大陸斷開的，為左想開通微信錢包，仲做好曬攻略特登去左深圳開銀行戶口同埋大陸手機號添！開銀行戶口同埋大陸微信既系列，到而家已經有超過數十萬個View數，亦幫左唔少朋友解決問題。
【2019最新整合】香港人返深圳開銀行戶口 最常見的五大問題！
相信大家自從開齊曬後，來往大陸生活消費都變得十分地道同順利。不過，好快我地又發現有一個不足！就係成日唔夠錢用（錢包唔夠錢要入錢），同埋想發掘更多新既消費優惠！
開信用卡事前介紹篇：
好人好姐 無神神點解會開張大陸信用卡？
1）大陸都開始流行使用信用卡消費 儲積分換優惠
香港人經常使用信用卡，我地習慣左用卡來消費，可以儲積分換里數換禮物。就算小至搭車八達通，大到碌iphone平手走都好，都安慰自己可以儲里數換到機票，甚至一個人有成好幾張卡添。
大陸果邊雖然就多數用微信錢包同支付寶，但由商戶、地鐵廣告及銀行傳單見到推廣，都開始見到如果經信用卡買野會有優惠。所以大家如果多返大陸的話，多一張信用卡是幾好的
2）唔係次次都帶定咁多人仔 有埋信用卡就隨時可以預備危急必要
我自己就唔係咩大戶，其實每次返大陸都只係食下平野行下街，最多都係豪一豪打個邊爐或者按個摩，最多都係$1000左右。但有時真係唔知幾時要多少少，而香港卡在大陸又未必用得著，咁多一張大陸卡旁身都好。
不過我就真係有一次去上海，就遇到因為唔夠人仔而差點返唔到來。
話說我在Agoda Book左間上海酒店，以為已經過左數比左錢，但點知原來只係留左個名，尾數要去到當地先找數。 但我就無預到幾晚酒店錢，入住時先知，試下比我香港果張卡佢又碌唔到，後來有人幫手先解決到。呢件事後除左怪自己大頭蝦無睇清楚之外，就係覺得人地異地但唔夠錢用係好擔心的，於是覺得多張大陸信用卡旁下身都係好事來，有咩大數又唔夠Cash都可以用到大陸卡比住先。
3）以前好難開到 而家申請手續放寬，唔使大陸住址同工作證明都一樣得！
以前要開大陸信用卡，基本上你一係在大陸有樓，或者大陸開公司，又或者你在大陸做野，佢地個銀行系統先會審批到個信用額比你去開信用卡。
但呢期去得多深圳工行，又同朋友去多幾次時，都聽到職員介紹，話如果開左戶口後，再開埋信用卡，會容易審批同埋條款岩香港人的。
講完咁多野，咁邊張卡好？
其實我就無再去比較太多，只係因為開左深圳工行戶口而見到呢一張：「粵港澳灣區信用卡」
大陸信用卡可能有好多張，但其實我都係新手來，只係以白老鼠心態試一試，見深圳工行開戶口順利，用過幾好，而見到有呢一張卡都岩我地用，就開埋來試。
開卡前必問：
1）有咩著數同功用？
1）消費儲分換禮品！
凡用呢張於消費，都會自動儲積分，而消費金額同積分比例係1:1
換句話說就係買$200就有200積分
而所有積分都可以於工商銀行官方認證嘅工商商店App
「工行e生活」中購物，確保所有貨品都係真貨。
而呢個App定期都會有推廣活動：例如最受歡迎嘅1折搶戲飛活動
好似原價$40-50的戲飛只需$4,5蚊。
2）長期優惠，香港主題樂園有優惠
香港海洋公園正價門票8折/香港迪士尼樂園正價門票85折
3）連埋一張卡仔，可以好似八達通咁拍卡搭深圳地鐵
4）其實就仲有好多優惠，但要下載埋個工行App會搵到更多
（稍後再補充：例如在深圳餐廳消費會有優惠！）
2）找數方法係點？
開得信用卡前，就一定要問定清楚還錢方法係點，因為隔左個深圳河，有咩事又唔係成日過到去，最怕比人罰息。
首先你要Check用左幾多錢，方法可以係：
1）佢每個月都會有一封Email，寄到去你登記的Email，收到Email後打開來睇就知道你用左幾多
2）登入去工行個手機App度查
（但呢個方法有點煩，從來未試過）
而信用卡還款有三個方法：
1）銀行戶口自動縛定自動還款
只要儲蓄卡裡面有足夠嘅錢即可
2）連接微信或者支付寶過數
不過，查到透過支付寶還錢，該平台會收手續費
（要另外要Check係收幾多）
3）收到月結單後，自己去櫃員機入錢過數還錢
講左咁耐，如果真係想申請
有咩申請條件？
其實係無咩特別條件，唔使大陸工作證，唔使大陸地址
用返早前提過既開大陸銀行戶口文件就可以了
申請方法及攻略：
1）如果你本身已經有深圳工行嘅銀行戶口：
下一次去到時，找職員問一問想開信用卡，就會有人幫手的
2）如果你未開深圳銀行戶口而睇到呢篇：
就可以一次過開齊銀行口同信用卡
*有一次我再去深圳國貿工行入數，見到在場有唔少佬假期讀者在排隊同處理銀行戶口，其實呢個時候就可以一次過開埋的。
申請所需文件及資料：
其實開大灣區信用卡所需文件同開銀行戶口所需文件一樣
1）回鄉證，香港身份證
2）中國工商銀行儲蓄戶口 （呢篇文有教）
3）香港地址證明 (3個月有有效就得)
4）以下呢個申請表格（去到拎）
交完表格後，幾耐有得拎？
整卡嘅時間需要大約半個月，想知幾時可以攞，有兩個方法：
第一：工行手機App
第二：微信公眾號會有 辦卡進度查詢
香港嘅信用卡就申請同用得多，大陸嘅真係未用過
今次就做埋白老鼠申請咗一張，準備黎緊去試下用
之後再同大家講下用完有咩感受！
*由於關於開戶口同信用卡既問題日漸眾多，佬假期會盡力為讀者解答所有難題，萬一解答不了，我地都問到一個官方職員微信做後備支援
一般都可以同FB Inbox同我地聯絡
而大家如果都想直接加工行職員的話，加完後說是佬假期的讀者
在開戶口及辦信用卡時會有禮遇招待的！
