重要公告 – 我地2018年9月再去一次，發現文件部份有更新內文已經更新左啦！
而資料再於2019年4月12日再確認，仍然一樣！
【2019最新整合】香港人返深圳開銀行戶口 最常見的五大問題！
佬假期自從2017年年尾學識左點樣上深圳開戶口之後，唔小心變成左個「大陸通」，除左有一個大陸戶口之外，仲搏通左微信錢包，仲有一個上到網既電話卡，返到大陸就方便左好多。
【深圳地鐵教學】原來深圳地鐵App可直接連微信錢包 掃一掃就入閘唔使再排隊換銀仔！
最近就帶埋朋友一齊再上去一次，同一個路線，由11點幾鐘出發，食埋中午飯大概下午4-5點返到來，今次就Share一下行程。
1）出發前預備物資：
出發前預備（2019年1月更新確認版本）：
出發開戶前記得帶齊文件：
1）回鄉證，香港身份證
2）實名認證嘅大陸手機號碼 （呢篇文有教）
3）香港地址證明 (3個月有有效就得)
4）附助證件：車牌/學生證/香港護照 （我用左車牌）
5）第一次開戶，建議最少帶定$3000人仔現金去
因為會有一個最低存款額黎，頭一次帶定多少少免得之後要再排隊
行程篇：
1）第一站羅湖過關 （星期六11am）
星期六放假輕輕鬆鬆，訓到9點幾先醒，慢慢出個門口
11點咩都到吧，11點上水站等再過去羅湖
2）第二站 國貿站中移動出實名認證手機上網卡 （11:30am）
2019年4月重要更新！標題講嘅$28人仔Plan已經無咗 – 修改左新Plan資料
先解一下點解中移動
其實大陸都係得幾間，唔係中移動就係中聯通，我地就無理太多，直接揀龍頭大佬中移動。又問，買卡得唔得？平時我地去鴨記買大陸卡，果D係用唔到的。需要一個長期，同埋登記名既手機號。因為開戶口時會收到SMS認證碼的。
我地過關時都唔係太多人，過左關後就大概11:15左右，出左門口後就慣左行上地面，經過左手邊口岸茶餐廳後，一路直行，由羅湖行到去國貿站。
地址：
人民南路天安国际大厦商场104-105号商铺首层（工商银行、国贸天虹旁边/11，101,204,302到国贸，地铁国贸站B出入口）
*即係天虹商場外圍，北面就見到
下面整左個地圖
上左咩Plan？
第一次出卡上台$88人仔，有一張25GB卡
出完之後，在3個月後，就可以再去一次中移動，改成平D既$20幾蚊流量Plan，而呢一個新Plan係要Keep住去充值保住個號碼。
有左呢個手機號，就可以再下一步去開銀行戶口。
3）第三站 國貿工商銀行開戶口 （12:15pm）
開電話卡就好順利，唔多人，但去到銀行就pk了
成間都係香港人，要拎張飛仔，等左成7-8個號先到我地。
今次去呢間工行，位置好近金光華，北門對面就係
工商銀行深圳地址及營業時間：
深圳最方便的工商銀行 – 國貿分行 地址：深东支行 国贸支行 深圳市罗湖区人民南路国贸大厦南侧一楼
營業時間：星期一至五9：00-17：00
星期六日：9：00-16：00
又講解一下咁多間點解用工行？
佬小編之前開過一個建行，又USB又盛勁難用
後來朋友介紹工行個App做得好方便，就用呢個了
過程都係等
預備齊文件，去到就會有職員同你開戶口啦。
全程都係對住部機黎開，入返資料後，揀唔需要USB手指果種，因為用手機App仲方便。搞掂後就等櫃台入錢，最後就即場開埋網上銀行App即刻登入一下就得。
本身預2點搞掂，最後成3點幾先得。
4）第4站 自由時間 金光華食飯
本身想食海底撈，但已經開始多人。同埋都食過好多次，一於揀下其他。
金光華上幾層有幾間，椰子雞，酸菜魚，雲南野，辣烤魚
最後揀左麻辣烤魚-探魚
金光華廣場4樓 探魚
平時香港食一間，又排長龍位置又細，價錢仲要$200起。呢間探魚一條都係$128起，位置又舒服，食完又可以加野食打邊爐，都係果句，唔使點睇價錢又夠Relax。
再睇下個餐牌：
5）第五站 再飲多杯喜茶先走人
喺地面落一層，地面過去就係正門對出廣場就見到(落一層)
【香港人申請大陸信用卡攻略】小編實試開埋深圳工商銀行「粵港澳灣區信用卡」 細數大陸信用卡3大好處！
【2019最新整合】香港人返深圳開銀行戶口 最常見的五大問題！
【多圖超實用】香港人返深圳開銀行戶口超簡單 – 無需內地地址證明就成功
【實用教學】香港人開內地實名認證手機號 – 用中移動每個月只係$28人仔仲有2GB上網流量
【多圖教學】香港人如何切換微信支付中國錢包？ 超簡單兩步完成
【深圳過夜】打完邊爐玩夜左要搵地方過夜 嚴選3個平價過夜好去處！
後記：
*由於關於開戶口同信用卡既問題日漸眾多，佬假期會盡力為讀者解答所有難題，萬一解答不了，我地都問到一個官方職員微信做後備支援
一般都可以同FB Inbox同我地聯絡
而大家如果都想直接加工行職員的話，加完後說是佬假期的讀者
在開戶口及辦信用卡時會有禮遇招待的！
