好多爸爸媽媽見到初生BB發燒都好擔心，其實發燒係表示BB嘅身體對抗緊感染嘅跡象，只要細心留意同照顧、及時處理，大部份情況都唔使過於擔心。今次就用佬小編作為新手爸爸嘅第一身經歷，做個分享：
話說我的小朋友剛剛好7個月大，有一晚突然開始發燒，成晚都訓唔好同扭計，真係嚇到我地成家人都不知所措。而最後一輪驚恐後，平安留到第二日先去睇醫生，最後大概燒左2-3日就自然地退了。
BB發燒有咩病徵？
原來有啲BB發燒嘅病徵好難發現，例如飲少左奶同異常安靜。或者有啲BB又會好煩躁同不停喊，呢啲病徵都唔容易發現，所以爸爸媽媽都要細心留意先得。
BB較明顯嘅發燒特徵：
好多時BB仔發燒，都會連同有其他特徵，只要多加留意，就好易發覺，再探一探熱就知道點處理了：
－睇落唔舒服
－臉色發紅
－眼訓
－無胃口
－睡不到
－沒精神
－對玩具無興趣
－抖氣過快
BB體溫幾度先算係發燒呢？
如果爸爸媽媽見到小朋友有以上嘅病徵，真係唔好猶豫，快D幫BB探熱睇下有無發燒。BB正常體溫係36°C－37.5°C。建議幫BB量度體溫時，最好最準的方法，係將電子探熱針放係佢地嘅肛門或腋下去量度，而最多人用既耳道探熱槍，雖然最方便，但好多時每次探都唔準
低燒：超過37.5°C
中燒：38°C – 39°C
高燒：超過39°C
處理方法：
其實BB對高熱適應力好弱，所以短時間內體溫急升係會有發燒抽筋嘅情況出現，一旦發現，爸爸媽媽應該要盡快幫BB降溫，例如：
－用溫水淋浴、擦身，令血管擴張，幫助散熱。
（＊絕對唔可以用凍水同加入酒精嘅水）
－BB退熱帖
（例如：小林、Pigeon、麵包超人、Watsons－BB退熱貼）
－睇醫生
都有唔少家長選擇比BB食藥去退燒，不過自行食藥就唔太建議，都係帶同小朋友去睇醫生比較好，尤其係6個月以下嘅小朋友、持續高燒唔退、發燒超過一日、發燒引致抽筋或者其他病徵。
－去急症
明德國際醫院（兒科醫生24小時駐院）〔地址：香港山頂加列山道41號〕
仁安醫院〔地址：大圍富健街18號〕
嘉諾撒醫院〔地址：香港舊山頂道1號〕
養和醫院〔地址：香港跑馬地山村道2號〕
聖保祿醫院〔地址：香港銅鑼灣東院道2號〕
香港港安醫院（司徒拔道）〔地址：香港司徒拔道40號〕
港怡醫院〔地址：香港黃竹坑南風徑 1 號〕
BB發燒真係可大可小，一定要及時幫BB退燒，如果有啲咩疑問，要即刻問醫生專業嘅意見。希望BB們都健康成長，咁爸爸媽媽就最放心啦。
REF: https://www.union.org/new/tc_chi/health_info/health_articles_child2.htm
