台北嘅夜店文化多姿多彩，去台灣玩當然唔可以錯過啦！今次佬小編就介紹三個台灣人氣熱門夜店比大家，又係好熱鬧又抵玩！事不宜遲，即刻繼續睇落去啦。
OMNI
OMNI稱得上係國際級嘅夜店，場地用左超過一億台幣打造，以兩層寬敞嘅空間，吸引大量年輕男女黎潮聖。OMNI成個設計理念係參考左拉斯維加斯嘅夜店風格，成個內部建築好時尚、前衛，絕對可以令人留下好深刻嘅印象。難怪佢可以榮獲LiveDesign Magazine Excellence Awards「舞台藝術最高榮譽」、夜店與酒吧類「2016年度大獎」、產品設計界奧斯卡之稱「德國iF設計獎」。
地點:台北市忠孝東路四段201號5樓
AI
AI可以話係台北黎講，最多人，最熱鬧嘅夜店。入面音樂好高質，氣氛好好，原來係AI老闆本身係DJ，對音樂嘅要求當然好高，入面成日都會見到好多model同藝人，如果想去認識下台妹，就快啲去AI狂歡下啦。入場費係NT＄1000
營業時間：星期三－星期日22:00PM－0400AM（＊無限暢飲只有星期四、星期日）
台北:市信義區松壽路12號7F（ATT 4 FUN 購物中心7樓）
Ikon
好岩想去買醉嘅朋友，只需要比NT＄800，就可以無限暢飲。入面地方雖然好好大，但係公眾空間係完全無位置坐，所以建議如果一班朋友一齊去，可以訂一個沙發包廂，一個包廂無論幾多人都係NT＄2500-NT$7000，其實好抵！如果係個到認識左新朋友，都可以邀請佢地黎坐。有台灣朋友同小編講，一啲指定時段內，女性係免費入場； 男性可以以比原價平啲嘅價錢入去。
營業時間：星期三－星期六 22:00PM－0400AM（＊星期三－星期六都係無限飲）
地址:台北市信義區松壽路22號B1
大家千奇唔好錯過啦！
