Home 投資理財 【解難篇】2018年香港人北上深圳開銀行戶口係咪難左? 一定要深圳地址證明?

【解難篇】2018年香港人北上深圳開銀行戶口係咪難左? 一定要深圳地址證明?

13280

今時今日北上大陸旅遊消費,只要一個電子錢包就可以行走江湖。而當中最主流就係微信或支付寶,如果要開到呢兩種電子支付,都需要經過實名認定去縛定一個大陸銀行戶口。

我地佬假期早喺2017年11月就出過一篇文講解到深圳開銀行戶口既致略,一年來都吸引到數以十萬計瀏覽,更加有網友出發前都Inbox我地查問,而有次再去國貿工行入錢,仲見到有人印埋出黎做參考添!

 

【多圖超實用更新版2018】香港人返深圳開銀行戶口超簡單 – 無需內地地址證明就成功

不過由於篇文都出左一段時間,而大陸銀行方面都因為政策所需而做左啲更新,我地怕資料會有漏,因此就重新再北上一次對下資料,仲拍多一個影片版本,睇下到底開戶口有無難到啦!

 

出發前先整理一下幾個常見問題:

 

-到底香港人北上開戶口係咪好難呢?
-而定係咪無深圳地址證明就開唔到?
-有網友跟住個物資清單北上,到最後都開唔到,到底差左咩野?
我地一於一齊北上考察!

 

目的地:工商銀行深圳地址及營業時間
深圳最方便的工商銀行 – 國貿分行 地址:深东支行 国贸支行 深圳市罗湖区人民南路国贸大厦南侧一楼
營業時間:星期一至五9:00-17:00
星期六日:9:00-16:00


深圳有咁多間銀行,點解要工商銀行同埋建議呢一間國貿分行?

1)當地朋友都介紹
我之前用過建行,但每次登入都要插USB真係頭痕
後來話工商銀行個手機App做得幾好,唔使再經電腦插USB,連微信都好方便,加上都係四大國有銀行之一,咁就揀左呢個

2) 地點夠方便
國貿分行呢一間,地理上係真係最方便我地上去。首先佢好近羅湖站,過關後可以搭一個站,或者行過去其實都係10分鐘左右。而且附近配套高,隔離街就有開戶必需既中國移動,對面又有金光華商場,開完戶口可以過對面食海底撈/喜茶

3)職員識講廣東話!
而最最最重要就係,國貿呢一間分行,因為香港過來開戶既人比教多,銀行方面都特別分配多幾個識得講廣東話既職員幫手,基本上我地去到一問就知點樣安排。正因為呢個情況,佢地越做越熟手,甚至連開戶手續同所需文件,都應該係全個深圳最易過關既一間

開戶要咩文件?
之前有報導吹到而家好難開戶口,再去到一望其實都係差唔多

逐一睇下文件:
1)回鄉證,香港身份證
過得關大家都有齊既

2)三個月內既香港地址證明
水,電,媒,銀行/政府信
如果係電子版都接受,印返出來就得

3)實名認證左既大陸手機號碼
我地就用左大陸上台,中移動$28一個月運上網
另外有教學文

4)有效期內既輔助證件,以下其中一種
-車牌(要正牌執照或者暫准先得,學習牌係唔得既)
-學生證
-工作證 (正面要有齊公司名/員工相/職位)
-香港特區護照
由於唔係個個人都有車牌、學生證或者工作證,帶埋本護照就最穩陣

5)第一次開戶口,銀行建議帶備$3000人仔去
相信呢個數已經足夠一般使用,之後無咁快要再煩入錢
同埋留意返銀行戶口如果6個月內都無使用,或者存款低過$300,都會有機會被凍結

總結多次,帶齊呢幾樣野,就一定開得到。
而流傳既要深圳地址證明,就仲無呢個需要。
如果有一日要用到呢一樣文件,相信即係內地唔想比我地玩了。

至於成個流程要幾耐,就因個別等候時間。
如果星期六日放假下午先去就多數都多人,最好就盡量早上或者平日去就最好。
開完戶口仲可以去對面飲杯喜茶添 (如果有朋友本身開左,就建議預早時間用手機落單買定喜茶)

【香港人申請大陸信用卡攻略】小編實試開埋深圳工商銀行「粵港澳灣區信用卡」 細數大陸信用卡3大好處!

 

後記:

*由於關於開戶口同信用卡既問題日漸眾多,佬假期會盡力為讀者解答所有難題,萬一解答不了,我地都問到一個官方職員微信做後備支援

一般都可以同FB Inbox同我地聯絡
而大家如果都想直接加工行職員的話,加完後說是佬假期的讀者
在開戶口及辦信用卡時會有禮遇招待的!