Home 投資理財 【多圖超實用更新版2019】香港人返深圳開銀行戶口超簡單 – 無需內地地址證明就成功(2019年1月更新)

【多圖超實用更新版2019】香港人返深圳開銀行戶口超簡單 – 無需內地地址證明就成功(2019年1月更新)

【重要公告 – 2019年1月更新- 已經Update最新所需文件】

[*以下資料經親身核實,同埋加左國貿工行嘅微訊做左核對的-2019年1月版本]

 

之前就講到香港人點樣開通微信支付內地錢包,其中一個步驟就係需要內地銀行戶口。而香港人去深圳開銀行戶口其實好簡單,唔使大陸地址證明,當初開戶時連埋等大概30分鐘就完成。(不過現時開戶既人多左,要預多少少時間好D,預1-2小時)

【深圳開戶口一日遊】帶朋友去深圳開銀行戶口 國貿工行成間都係香港人

內地銀行比較:
如果有留意開股票都知,內地有四大國有銀行,分別係中國銀行、建設銀行、工商銀行同埋農業銀行。其實四間都方便,而且都差不多,我地因為唔係成日都返上去,所以要揀就係揀網上銀行做得最好最方便的。

個人選擇:工商銀行
原因:工行個手機App做得好方便,登入簡單,唔需要插USB手指就用到。

工商銀行深圳地址及營業時間
深圳最方便的工商銀行 – 國貿分行 地址:深东支行 国贸支行 深圳市罗湖区人民南路国贸大厦南侧一楼
營業時間:星期一至五9:00-17:00
星期六日:9:00-16:00

地址即係金光華商場對面

*如果想去其他分行就去呢度睇地址同資料:

出發前預備(2019年1月3 號double confirmed!):

出發開戶前記得帶齊文件:
1)回鄉證,香港身份證
2)實名認證嘅大陸手機號碼 (呢篇文有教
3)香港地址證明 (3個月有有效就得)
4)附助證件:車牌/學生證/香港護照 (帶護照最方便)
5)第一次開戶,銀行方面建議最少帶定$3000人仔現金去,同埋要Keep一個月,之後就可以轉出來用,唔係手續費來的。
而之後既每月最低存款額就係$300,只係頭一次帶定多少少免得之後要再排隊

夾好時間,帶齊文件,去到就會有職員同你開戶口啦。
全程都係對住部機黎開,入返資料後,揀唔需要USB手指果種,因為用手機App仲方便。搞掂後就等櫃台入錢,最後就即場開埋網上銀行App即刻登入一下就得。

(我地2018年9月期中一個星期六中午再去多一次,見到呢間分行得2部開戶口的機,但等候的人都算多,所以要預多D時間)
(有讀者2019年1月12號跟住資料去完開戶成功,都有Share返,所以可以放心)

因為喺國貿站,開完戶口仲去左飲杯喜茶添。

【實用教學】香港人點樣開通微信支付內地錢包? 三個步驟其實好簡單

【實用教學】香港人開內地實名認證手機號 – 用中移動每個月只係$28人仔仲有2GB上網流量

【出發前預備】香港人返深圳開銀行戶口 所需要的4樣重要文件!

 

最新高鐵系列:

【廣深港高鐵】西九龍高鐵站餐廳列表!出發前預先揀定食咩就唔怕遲到

【使用教學】10月1日起WeChat Pay HK香港版微信錢包都可以直接喺中國大陸度用啦!

 

【大陸翻牆用WhatsApp方法】北上深圳咩都用唔到?3個方法可以用WhatsApp上Facebook

【香港人申請大陸信用卡攻略】小編實試開埋深圳工商銀行「粵港澳灣區信用卡」 細數大陸信用卡3大好處!

2019年1月後記:

*由於關於開戶口同信用卡既問題日漸眾多,佬假期會盡力為讀者解答所有難題,萬一解答不了,我地都問到一個官方職員微信做後備支援

一般都可以同FB Inbox同我地聯絡
而大家如果都想直接加工行職員的話,加完後說是佬假期的讀者
在開戶口及辦信用卡時會有禮遇招待的!