Home 旅行遊記 【北海道夜生活】 情侶必去 小樽雪燈浪漫之路

【北海道夜生活】 情侶必去 小樽雪燈浪漫之路

23

講起北海道,不得不提嘅係小樽。唔係好多人認識小樽依個地方,不過其實去小樽嘅交通係好方便,佢鄰近札幌,搭車30-45分鐘就去到啦。自從1999年開始,小樽每年係嚴寒嘅冬天都會舉行一個為期10日嘅盛典,就係小樽雪燈──非常適合情侶一齊造訪依條雪燈小路。就連當地嘅居民每年都好期待呢個夢幻活動,就好似進入一個白雪紛飛嘅童話世界。

原來係第一次舉辦雪燈之路,目的係為左清除積雪,亦都加上蠟燭令小樽變得更整齊又靚,竟然吸引了15萬人黎參加。小樽嘅雪燈全部都係由參賽者同當地居民合力完成小路嘅佈置,而當地每年都會動用到15萬支蠟蠋,為依個城市增添浪漫色彩。

 

 

如果搭JR快速列車嘅話,札榥站去小樽站都係32分鐘就到。見到小樽運河上有好多蠟蠋漂浮,岸邊小屋同道路上都有好多蠟蠋燈光作品,好靚好和諧,係寒冷嘅天氣下,成個城市瀰漫著溫暖氣息,真係令人忍唔住拎起相機出黎影相呢!

 

每年小樽嘅作品都好驚為天人,參賽者同居民都絞盡腦汁,務求為小樽雪燈之路出一分力,令依個城市更加嫵媚動人,受惠嘅一定係可以沐浴係浪漫嘅蠋光之中嘅當地居民同旅客啦。

要留意嘅係,2月北海道嘅冬天係非常寒冷,亦都係一年之中最凍嘅時期,所以一定要做好準備先去呀。佬小編建議一定要著足夠嘅保暖衫、外套、頸巾、冷帽,仲有要帶暖包,總之由頭到腳包實自己,做好防寒措施!