Home 旅行遊記 【福岡夜生活】沒有體驗過「屋台文化」別說你來過福岡

【福岡夜生活】沒有體驗過「屋台文化」別說你來過福岡

461

【福岡夜生活 沒有體會過「屋台文化」別說你來過福岡】

「屋台文化」係福岡夜生活嘅一大特色。所謂「屋台」,其實即係以簡約帳篷以及幾張檯凳為裝修風格既路邊木造檔口,類似香港以前街邊檔,當然屋台比起街邊檔更著重衛生同食品安全。係餐單方面,屋台主要係賣拉麵、燒烤為主。但係近年嘅屋台似乎更加多元化,多左外國人做店主,仲有河豚呢類高級食材比客人享用,所以口味帶黎左好多新嘅衝擊。

根據福岡市經濟觀光文化局調查資料,福岡嘅屋台有103間。原來起初要經營屋台係有超嚴格嘅規定,就係只可以傳比家族。後來亦有轉手經營模式出現,不過有商家趁機抬高價錢,於是轉手經營被禁止了。後來福岡放寬政策,令更多新老闆有機會加入屋台。

屋台通常傍晚5點6點就會陸續開鋪,想要食特色小食一定要黎屋台品嚐下,例如塩燒牛舌、明太子卵燒同特色拉麵都十分推介呢!

 

屋台潛規則

雖然無明文規定,但係屋台文化其實係有「潛規則」,大家去到異地,一定要尊重人地嘅文化,以免引起一啲不必要嘅誤會同麻煩。

 

  1. 每人要有一杯飲品同一個菜色嘅消費

屋台雖然無講明最低消費,不過你入去用餐嘅話,就係消費至少一杯飲品同一個菜色。

 

  1. 如果鋪頭好多人,食完就要馬上離開

屋台通常面積較細,唔會有好多檯凳,所以建議多人時唔好逗留太耐,免得阻住人地做生意啦。

 

  1. 好好保管隨身物品

千萬唔好以為日本好安全就掉以輕心。為免隨身物品比人偷走,一定要好好留意自己嘅貴重物品,如護照、銀包、手機一定要跟身,如果不幸被偷走,店家係唔會負責。

 

相信大家都好想體驗屋台文化,下次黎福岡,想約定朋友夜晚黎一場味覺饗宴?屋台絕對係不二之選。