Home 旅行遊記 【新加坡夜生活】愈夜愈迷人-不能錯過的特色碼頭酒吧

【新加坡夜生活】愈夜愈迷人-不能錯過的特色碼頭酒吧

340

去新加坡旅行,想要體驗夜生活小酌下,將壓力盡情釋放?咁你一定要去克拉碼頭(Clarke Quay)狂歡啦!唔講唔知,原來克拉碼頭係新加坡夜生活嘅重點區域,而且地點係超級方便,鄰近魚尾獅公園,可以夜晚睇完燈光秀之後,再去克拉碼頭飲返兩杯。

 

晚上嘅克拉碼頭金光閃閃、五光十色,坐在海旁嘅酒吧入面,可以感到身心放鬆,消除左平時累積落黎嘅壓力。而且對於新加坡人黎講,克拉碼頭有好多標誌性嘅酒吧同娛樂場所,所以都成為好多當地人心中嘅聚腳點。由於成個克拉碼頭主打精彩嘅「新式」夜生活,沿著整個碼頭旁全部都係酒吧,好多酒吧甚至係請駐場歌手表演黎吸引客人,表演者嘅水準好高而且酒吧氣氛好好,仲要準備好相機,拍低咁靚嘅碼頭全景,好好享受一下迷人嘅夜生活。

 

講左係不能錯過嘅特色碼頭,點會係得酒吧咁單調?克拉碼頭岸邊有五大鋼鐵柱,會有一個球體同安全線係五條柱之間大幅度擺動,亦即係高空彈力球,參加者會被扣入一個「鐵籠」彈力球,不斷彈跳,係酒吧都聽到尖叫聲連連,既恐怖又刺激呀!

彈跳價錢:

鐵球的 G-Max 彈跳: $ 45新幣

一般綁繩子的彈跳床: $ 15新幣。

 

開放時間:

平日11:00am-01:00

假日11:00am-0300

 

前往交通:

1. 地鐵North East Line的Clarke Quay 克拉碼頭站EW14/NS26,克拉碼頭出站。
2. 地鐵East West Line和North South Line嘅Raffles Place 萊佛士站EW14/NS26,行十分鐘達魚尾獅公園。
3. 地鐵Circle Line和Downtown Line嘅Bayfront 海灣舫站CE1/DT16,金沙酒店購物城出站。