Home 旅行遊記 【河內夜生活】 浪漫迷人的露天酒吧 眺望燈火通明的城市

【河內夜生活】 浪漫迷人的露天酒吧 眺望燈火通明的城市

22

好多人都好鍾意去東南亞旅遊,一方可面可以睇到好多古色古香嘅建築物,價錢亦十分划算,今次佬小編要推介嘅係越南河內嘅夜生活比大家。

河內係越南工業、文化中心,而且係城市入面都會見到好多名勝古跡,充滿著人文歷史嘅氛圍。不過到左夜晚,又有咩玩呢?原來有係河內樂天酒吧頂層──露天酒吧Top of Hanoi,好岩情侶、旅客去飲酒放鬆下,由於餐廳位置係樂天大廈嘅頂層,有65層樓咁高,顧客仲可以一邊享受美食,一邊欣賞下成個城市壯麗嘅景色。

Top of Hanoi可以話係河內好高級嘅酒吧,所以價錢比一般酒吧貴啲不過可以欣賞到成個城市嘅夜景,好多去過嘅客人都覺的係值得嘅。酒吧係以小酒館風格為主題,如裝修古典風、時尚音樂、餐酒美食,都吸引左好多遊客,當日佬小編見到韓國人比較多。另外,夜晚比較大風,建議做足保暖措施,酒吧服務員都好細心,見到天氣凍都會為客人提供毛氈呢!

而且,酒吧嘅風格行高檔路線,同河內嘅整個地區風格係相映成趣。河內街道、建築物,甚至人民都係比較樸素,但Top of Hanoi成功打造成一個較為另類、多元代特色酒吧,令當地人同旅客多左一個夜生活消遣地。

如果大家去河內旅行時,都想放鬆心情,咁就千萬唔好錯過呢間浪漫迷人嘅酒吧啦!

 

注意:

-成間酒吧只可以容納128位客人

-未滿12歲嘅兒童唔可以進入酒吧位置

-唔可以著拖鞋或者無袖嘅衣服進入酒吧

-消費要加一服務費、稅