台北夜生活唔一定要落夜店玩，都可以靜靜地睇下靚景食下好西嘅，今次就推介一間位於陽明山嘅餐廳啦！
位於陽明山上的餐廳──「屋頂上」，係好多台灣情侶約會必去嘅拍拖聖地。係屋頂上，我地可以睇到成個台灣嘅夜景，居高臨下嘅場面真係好壯觀呢！餐廳嘅營業時間係下午5時至凌晨3時 (註：星期六、日營業時間係下午12時至凌晨3時)，好岩人夜晚黎食野，餐廳擁有住超美夜景，聽講仲係浪漫表白嘅首選！
陽明山上的餐廳因為地點比較偏僻，好多人會選擇自己揸車或者搭的士上去，如果搭公車嘅話，可以係文化大學站落車，要行30分鐘嘅路程。由於餐廳預約制只係限包廂，如果少過7個人就要去到現場拎飛啦。佬小編個日同朋友都等左一個鐘左右先入到去，雖然等左好耐，但係入到去見到成間餐廳瀰漫著濃厚嘅峇里島風情，又有浪漫情調嘅美景，同埋聽住輕快嘅音樂，好快就覺得等咁耐都係值得嘅。
每人最低消費係NT＄350，另加一服務費。屋頂上餐廳主要係分為「熱炒」、「燒烤」兩種，店員係你拎位嘅時間會問你選擇邊款，方便安排座位。價錢係比一般台灣餐廳貴少少，但都算好抵──屋頂上雕雞NT＄860、安格斯黑毛牛NT＄480。
如果去台灣旅遊，想拋開煩惱，體驗度假風情，又或者想約會告白，就絕對唔好錯過呢個絕世好地方啦。
地址：台北市士林區凱旋路61巷4弄33號 (文化大學體育館下方50公尺處)
電話：(02) 2862-2255
官網：https://www.compei.com/
