Home 旅行遊記 【首爾夜生活】 30歲以上禁止進入 必去的人氣Hunting Bar

【首爾夜生活】 30歲以上禁止進入 必去的人氣Hunting Bar

157

來到韓國,人在異地,想感受下當地嘅夜生活文化,就一定要去下最出名嘅酒吧啦。今次就介紹下韓國最受年輕人歡迎嘅酒吧 – Hunting bar,有人仲將佢譯成「獵豔酒吧」。酒吧名都咁直接,夠晒狂野,唔通入到去真係可以好易就hunt到女神個心?呢篇就介紹一下Hunting bar嘅特色,再推介最hit嘅兩間比大家啦。

 

Hunting bar有咩特色?

近年Hunting bar 簡直風靡左成個韓國,尤其係韓國年輕人之間係非常盛行。雖然係酒吧,但係原來佢仲結合左夜店以及認識異性嘅兩大元素,而且仲好岩一班朋友慶祝聚會嘅熱點。講到明係要做年輕人嘅生意,一旦客人過左年齡嘅限制,就無得入去玩啦,有聽過最誇張係過左30歲就會被拒之門外。係到提醒大家,記得帶定有效護照方便工作人員檢查。

韓國朋友話我知,佢地去Hunting bar 之前,通常會先去餐廳食飯,甚至小酌兩杯,飲到微醺嘅時候再入去酒吧玩,會玩得放啲,更大膽去搭訕異性呢!今次就同大家分享下佬小篇去過嘅兩間出名嘅Hunting bar啦!

第一間:

  1. Green Light (地址︰首爾麻浦區細橋路12)

Green Light係首爾極出名嘅酒吧,係首爾最多人爭住排隊入去玩,就算係嚴寒得返零度嘅夜晚,酒吧門口都會有大量少男少女等著入場。最大嘅特色就係酒吧嘅音樂係半個小時以快歌同慢歌替換,令大家既可以跳舞,又可以談談心。而且酒吧內中間位置係一個大舞池,圍住大舞池有好多檯檯凳凳,提供好大既活動空間比客人。

Green Light規則:

  • 年齡限制:32歲以上禁止入場。
  • 要對店員禮貌(只要對店員講半語就會禁止入場)
  • 著運動服或拖鞋禁止入場
  • 每張桌最多四人。

 

2.ing (地址:首爾麻浦區細橋路407-7

썸ing 嘅意思即係「曖昧ing」。原來酒吧入面有好特別嘅規定,入面係男女分開坐,超過33歲就唔可以入去玩啦。如果要搭訕通常係坐係異性身邊(同一張凳上)。酒吧入面每張檯都有一個玩遊戲嘅機器,仲可以用黎點歌、點餐,仲可以同其他客人傾計、邀請佢地一齊玩遊戲。玩家可以預先設定玩咩遊戲同禮物,輸家就要負責禮物錢啦。

 

썸ing規則:

  • 年齡限制:33歲以上禁止入場。
  • 男女通常係分開交錯坐
  • 粉紅色燈係女仔;藍色燈係男仔

祝大家玩得開心啲