Home 旅行遊記 【上海夜生活】內有玄機?上海隱藏酒吧Suit Club 與電影皇家特工有關?

【上海夜生活】內有玄機?上海隱藏酒吧Suit Club 與電影皇家特工有關?

52

「夜上海 夜上海 你是個不夜城 華燈起 樂聲響 歌舞昇平~~」哈哈,一講起上海夜生活,佬小編就情不自禁唱起依首歌啦。到底夜上海有啲咩魅力?今次我地一齊拆解呢個不夜城啦!

入夜嘅上海燈火通明,五光十色,好熱鬧架,今日就推介一個上海好有特色嘅隱藏酒店Suit Club比大家認識啦。Suit Club可以分為兩部分黎睇,「Suit」&「Club」。原來係出面睇入去鋪頭,全部都係男士復古西裝,睇落係賣一啲比較正式嘅西裝、皮帶、領帶、皮帶等等。大家見到咁千奇唔好已經自己去錯地方,原來係酒吧嘅一大特色黎架,出面故意整成西裝鋪,其實內有玄機。

入到去西裝鋪,都仲未見到酒吧嘅入口,原來店員會引領我地先去Fitting room,然後再要求我地搵秘密通道出黎,至於點搵個通道,就要靠大家嘅智慧啦,呢到就唔多講,大家去玩就會知道。嘩!一搵到秘密通道出口,心情真係超級興奮,有種打爆機嘅感覺。好快就會見到一個隱藏酒吧,十分別緻,而且係行高檔英式路線,算係一個精品酒吧。

原來呢個設計係參考左1920年代美國的禁酒時期,當時好多人想飲酒就會去地下酒吧,顧客要說服門口嘅員工比佢地入去,如果員工懷疑佢地係禁酒相關人員,就禁止佢地進入酒吧。除此之外,Suit Club創立人仲係電影愛好者,參考左皇家特工,打造左門面以高級西裝為招來,入面竟然係驚喜重重嘅酒吧!

 

酒吧主打懷舊,酒類飲品唔單止賣相吸引,仲非常好飲,好岩大家黎依到傾計,好悠閒咁過一個極具電影感嘅夜晚!

地點:上海瑞金二路50號近皋蘭路