Home 旅行遊記 【廣州夜生活】琶醍酒吧街 絕美的「清漫餐吧」結合音樂廳和酒吧特色

【廣州夜生活】琶醍酒吧街 絕美的「清漫餐吧」結合音樂廳和酒吧特色

36

今次介紹一下廣洲夜生活,唔再係去地標式既廣州塔,當然要去一下酒吧。

琶醍係一條酒吧街,同時都係一個創意藝術區。原來琶醍以前係珠江啤酒嘅工廠,所以入面保留左一個好有特色嘅啤酒博物館,大家有機會黎嘅話,記得入去參觀下。琶醍酒吧街有多過30間嘅酒吧同埋特色餐廳,網上好多人都推介人氣餐廳清漫餐吧,今日佬小編就帶大家一齊睇下入面有啲咩咁特別啦!

清漫餐吧係結合左音樂廳同酒吧,同時以時尚風格、難以抗拒嘅美食,成功打造成一個年輕人嘅天堂。平日嘅清漫餐吧都已經好多人,假期嘅話仲要等一陣先可以入去,建議如果星期六、日黎,都係打電話book定位先會好啲。餐吧有室內同室外嘅位置,最好提早少少黎到,選擇返自己鍾意嘅位置。

一入到去清漫餐吧,你會發現成個裝修都係好用心,好似有好多花花草草,亦有浪漫氣球、閃爍燈飾,真係好岩打卡呃like。佬小編最欣賞嘅就係台上嘅駐場歌手唱歌好好聽,任何類型嘅歌曲都可以輕易駕馭到。9點前唱歌就會偏向民謠歌曲;9點後會變成酒吧live band,當日佬小編仲聽到幾首粵語經典歌,好有親切感。

食物方面都令我覺得好有驚喜,例如招牌香雞、咖哩蟹、酸菜魚都令我地好滿意,而且價錢唔貴,每人成餐飯都係用左$100左右,又抵又好食。清漫餐吧仲提供左唔同嘅調酒飲品,都好好飲,外形仲好靚,物超所值呢!

 

去廣州玩,一定要試下呢間清漫餐吧,佢仲營業到凌晨兩點,好岩夜晚先出動嘅朋友呢!

 

地址: 新港東路磨碟沙大街118號琶醍B區二樓

營業時間:星期一至星期日 17:00pm-02:00am

交通:地鐵廣州塔A出口,再搭電車到琶醍站